2 Unlimited
2 Unlimited es un grop anglofòn de tècno bèlga e neerlandés, originari d'Amsterdam (Païses Basses) e d'Anvèrs (Belgica).
Actiu a la debuta de las annadas 1990, 2 Unlimited es estat un dels mai populars de l'èrsa eurodance de las annadas 90 e mai precisament l'un dels grops màgers post-house del sosgenre tècno dance (pic de popularitat d'aqueste estili entre 1992 e 1996). Aquel grop es estat format pels productors bèlgas Jean-Paul De Coster e Phil Wilde. Lo grop comença sa carrièra ambe lo tèma Get Ready for This en 1991, qu'obten de succès dins mantuns païses (Reialme Unit, País Bas, Austràlia, e quitament Estats Units).
La formacion originala s'alarga ambe l'arribada dels neerlandeses Anita Doth (cant) e Ray Slijngaard (rap). Te tòrna alavetz enregistrar ambe eles una version cantada en anglés de Get Ready for This.
En França, es lo títol No Limit que revèla lo grop. Aquel tube se classa no 1 del Tòp 50 pendent 5 setmanas a la prima de 1993, fasent de 2 Unlimited lo primièr vertadièr grop tècno dance a classar un single n°1 en França. En realitat, es lo segond còp qu'un tròç tècno dance se classa n°1 en França vist que ja l'annada precedenta, lo grop alemand Snap! aviá obtengut una primièra plaça ambe lor títol Rhythm is a dancer (tube de l'estiu de 1992), levat que Snap! es istoricament puslèu considerat coma un grop house qu'a simplament evoluat cap a la tècno dance ambe l'aveniment d'aquel estili, mentre que 2 Unlimited èra a l'epòca un grop vertadièrament representatiu de l'èrsa del sosgenre tècno dance. Vaquí perqué se considèra que, en França, lo primièr tube tècno dance d'èsser estat n°1, es lo No Limit de 2 Unlimited au mes de mai de 1993, quitament se en realitat lo grop house alemand Snap! aviá jà classat lor cançon Rhythm is a dancer a n'aquesta primièra plaça tre lo mes de setembre de 1992.
Aital, en França, lo segond album de 2 Unlimited, !No Limits! se vend a mai de 200 000 exemplars, e mai de 800 000 singles son venduts suls 5 títols sortits.
De tròcis de 2 Unlimited se pòdon trobar dins mai de 50 milions de compilacions. A partir del títol Tribal Dance en 1993, tòrnan enregistrar cada single ambe de repics en espanhòl pel mercat ispanofòn.
Discografia
[modificar | modificar lo còdi]- 1992 : Get Ready!
- 1993 : !No Limits!
- 1994 : Real Things
- 1998 : II
Cançons mai conegudas
[modificar | modificar lo còdi]- Get Ready For This (1991)
- Twilight Zone (1992)
- No Limit (1993)
- Tribal Dance (1993)
- Faces (1993)
- Maximum Overdrive (1993)
- Let The Beat Control Your Body (1994)
- The Real Thing (1994)
- No One (1994)
- Here I Go (1995)
- Jump For Joy (1996)