Uc de Sant Circ

Aqueste article es redigit en lengadocian.
Un article de Wikipèdia, l'enciclopèdia liura.

Retrach d'Uc de Sant Circ.
Retrach d'Uc de Sant Circ.
La pagina amb la vida d'Uc e d'unes de sos poèmas.

Uc o Ugues de Sant Circ (Uc[1][2] o Ugues de Sant-Cir[3][4] en nòrma mistralenca; Tegrà[3][5], 1217-1253[6]) foguèt un trobador occitan carcinòl, qu'es conegut mai que mai pel fach que foguèt aparentament l'autor d'un bèl nombre de vidas de trobadors. Pr'aquò la sola vida que li podèm atribuir sens dobte es la de Bernat de Ventadorn.

En occitan ancian es conegut coma N[']ucs de Sai[n]t Circ.

Biografia[modificar | Modificar lo còdi]

Uc de Sant Circ foguèt mandat jove per sos fraires a Montpelhièr per i far d'estudis religioses mas ailà s'interessèt puslèu a la poesia trobadoresca. Sembla qu'acompanhèt lo trobador Savarin de Mauleon per Espanha ont visitèt la cort de Castelha. Partiguèt puèi en Itàlia ont se maridèt e probablament elaborèt las vidas.

Òbras[modificar | Modificar lo còdi]

Son estadas servada 44 poesias d'aqueste trobador, que 15 son de cançons d'amor, 18 de sirventeses e còblas, un salut e dètz debats. Sa darrièra poesia databla es un sirventés qu'escriguèt contra Manfred II Lancia entre 1253 e 1255.

Es tanben considerat coma l'autor dels Donatz proensals, la gramatica mai anciana coneguda en occitan.

Referéncias[modificar | Modificar lo còdi]

  1. ↑ Antòni Blasi Crosilhat. La Bresco. [Poems. With a preface by F. Mistral. Provencal], 1865.
  2. ↑ Lou Cacho-fiò: prouvençau armana catouli, 1887.
  3. ↑ 3,0 et 3,1 Cir (Sant), dins lo Tresaur dau Felibritge.
  4. ↑ Lou gai-sabé: Antoulougìo prouvençalo, 1905
  5. ↑ Tegra, dins lo Tresaur dau Felibritge.
  6. ↑ Martí de Riquer, Los trovadores: historia literaria y textos

Ligams extèrnes[modificar | Modificar lo còdi]
Recuperada de « https://oc.wikipedia.org/w/index.php?title=Uc_de_Sant_Circ&oldid=2404186 »