T-72

Un article de Wikipèdia, l'enciclopèdia liura.
Anar a : navigacion, Recercar
País utilizaires actuaus (blau) e ancians (roge) dau T-72.

Lo carri T-72 es un carri de combat principau sovietic de segonda generacion desvolopat entre 1967 e 1971. Èra destinat a l'equipament dei divisions d'infantariá de l'Armada Roja, ais armadas dei país dau blòt sovietic e a l'exportacion. Conoguèt un succès major a l'exportacion e foguèt adoptat per uneis armadas. Un nombre fòrça important de versions foguèt desvolopat per l'Union Sovietica e au sen deis autrei país utilizaires que creèron divèrsei versions indigènas.

Participèt a unei conflictes ambé de resultats de còp fòrça marrits en causa de la manca d'entraïnament, d'errors de comandament e de performàncias feblas per lei versions indigènas. Lei guèrras pus importantas onte participèt lo T-72 foguèron :

  • lo Liban en 1982 ambé de resultats equilibrats còntra Israèl e de pèrdas limitadas.
  • l'Iraq en 1991 e en 2003 onte lei versions iraquianas (amb una poissança de fuòc e un blindatge inferiors ai versions sovietics) foguèron totalament esquichats per lei carris occidentaus.
  • en Chechenia durant lei doas guèrras onte certaneis unitats de T-72, mau comandadas, foguèron destruchas dins de combats urbans engatjats sensa sostèn d'infantariá.
  • durant la Segonda Guèrra d'Ossetia onte foguèt utilizat per totei lei participants amb un avantatge clar per lei carris rus.

Nòtas e referéncias[modificar | modificar la font]