Segonda Guèrra dei Boers

Un article de Wikipèdia, l'enciclopèdia liura.
Anar a : navigacion, Recercar


Còde QRpedia d'estampar per un accès dirècte a aquèth article
Donadas
d · m
Segonda Guèrra dei Boers
Picto infobox conflict.png
Informacions generalas
Picto infobox conflict.png
Data 11 d'octòbre de 1899 - 31 de mai de 1902
Luòc Sud-Africa
Eissida Victòria britanica e annexion deis estats boers a l'Empèri Britanic
Belligerants
Picto infobox conflict.png
Flag of the United Kingdom.svg Empèri Britanic Flag of Nieuwe Republiek.svg Transvaal

Flag of the Orange Free State.svg Estat Liure d'Aurenja

La Segonda Guèrra dei Boers se debanèt dau 11 d'octòbre de 1899 au 31 de mai de 1902 entre l'Empèri Britanic e una aliança dei dos estats boers de Sud-Africa (Transvaal e Estat Liure d'Auranja). La causa principala de la guèrra foguèt la volontat britanica de contraròtlar lei minas d'aur dei regions boers. Après divèrsei temptativas de destabilizacion dins leis annadas 1890, entraïnèron una reaccion militara d'aqueleis estats qu'ataquèron lei colonias britanicas de Sud-Africa. Sosprés, lei Britanics foguèron desfachs mai d'un còp mai poguèron protegir lei pòrts principaus dau país e esperar l'arribada de renfòrç venguts dau rèsta de l'Empèri. De genier a setembre de 1900, l'armada britanica poguèt donc reconquistar lei colonias britanicas puei ocupar dirèctament leis estats boers. Pasmens, aquela ocupacion marquèt pas la fin de la guèrra car lei colons boers contunièron de se batre gràcias a de tecnicas de guerilhas e l'utilizacion de comandos sostenguts per leis abitants. Per luchar contra aquela guerilha, leis autoritats britanicas adoptèron una politica de repression violenta ambé la destruccion sistematica de tenements e la desportacion de populacions boers vèrs de camps de concentracion. Ansin, a la fin de la guèrra, 116 000 Boers e 120 000 Negres èran presoniers d'aquelei camps entraïnant la dissolucion de la màger part dei comandos boers en causa de la manca de sostèn. De mai, lo govèrn boer en exil mau capitèt d'internacionalizar la crisi. Aital, lei Boers deguèron finalament capitular en mai de 1902 entraïnant l'annexion dei territòris boers a l'Empèri Britanic en cambi d'una autonomia locala importanta e dau pagament d'una indemnitat per Londres.