Pic dels Tres Senhors
|
Pic dels tres senhors
| ||
|---|---|---|
| OpenStreetMap | . | |
.jpg) Pic dels tres senhors | ||
| Geografia | ||
| Altitud | 2 199 m | |
| Massís | Pirenèus | |
| Coordenadas | 42° 49′ 50″ N, 1° 26′ 25″ E | |
| Administracion | ||
| País |  França
| |
| Region | Miègjorn-Pirenèus | |
| Departament | Arièja | |
| Geologia | ||
| Edat | ||
| Ròcas | ||
Geolocalizacion sus la mapa : [[]]
| ||
Lo Pic dels Tres Senhors (Pic des Trois Seigneurs en francés) es un massís que se tròba pels Pirenèus Occitans,en Coserans e uèi dins lo departament francés d'Arièja. Lo ponch mai naut, qu’es lo Pic, naut de 2199 mètres, es tanben l'aigavèrs dels rius Arac (que raja cap al massatés), Corbièra (que raja a Ravat e Tarascon) e Vic de Sòs. Segon la legenda,lo nom proven,justament,dels tres ancians senhors d'aquestas tres valadas, que se trobavan al som de la montanha per i parlar dels dreches de las tèrras que gerissián. Es un som umil en nautor, ça que la, ja que demòra un pauc apartat dels Pirenèus axials, la vista sul costat nòrd dels Pirenèus es supèrba, despuèi las montanhas cerdanas, andorranas, lo massís del Montcalm e de la Pica d'Estats, lo circ de Cagatelha e lo Pic de Certascan, lo Pic de Montroig, fins al massís del Mont Valièr, lo som mai simbolic de Coserans, nomenat plan sovent lo Senhor de Coseran.
Geologia
[modificar | Modificar lo còdi]Lo massís se compausa de lausas, que son los materials pròpris dels Pirenèus, mas pel trabalh d’erosion d’ancians glacièrs, al fons de las vals i trobam qualques blòts de granit arredondit.
Clima e vegetacion
[modificar | Modificar lo còdi]Lo clima es lo tipic dels Pirenèus, de montanha doncas, amb fòrça influéncia atlantica, doncas plujós e umid e amb d’importantas nevadas en ivèrn, sovent a las parts mai bassas. Aiceste clima umid e freg nos balha de bòsques fòrça madurs: roiredas, fagedas e avetadas. A partir dels 1500 mètres de nautor, los bòsques venon de pastencs, que foguèron plan importants per l’economia tradicionala. Ne son testimònis los ancians bastiments dels pastres, los òrris, amb de polits exemples a Gotets e als Planhòls, a l’intrada de la Val de l'Arac, e es plan aisit d'i arribar despuèi lo pichon vilatjòt del Caròl, en Massatés.