Òrri

Un article de Wikipèdia, l'enciclopèdia liura.
Anar a : navigacion, Recercar
Cabana de l'òrri dels Estrets, val de Vic de Sòs, Arièja

Un òrri es un luòc generalament situat en montanha que los pastres i menavan las fedas pendent las estivas per las mólzer e far los formatges. A l'origina lo tèrme òrri designava sonque l'airal d'estiva mas es uèi utilizat tanben per parlar de las jaças o barracas que s'i tròban.

Aquestes òrris èran utilizats dins las regions pastoralas, mai que mai dins los Pirenèus, entre mai e octobre, alara qu'una partida de las familhas demoravan dins las valadas per los trabalhs dels camps, un o dos sòcis montavan amb lo tropèl a l'estiva, per amontanhar a l'òrri. Aquò se sonava "far òrri".

Sus l'airal de l'òrri se podián trapar mantuna bastissas :

  • la cabana del pastre;
  • lo masuc qu'èra un ostalon de montanha ont se fasiá e se servava lo formatge;
  • lo parrec qu'èra un enclaus fach de pèiras secas que servissiá per dintrar las bestias la nuèit o per las mólzer.
  • la marga èra un corredor de pèiras secas que comunicava amb lo parrec, per tal de far passar las fedas per las mólzer.

Vejatz tanben[modificar | modificar la font]

Ligams extèrnes[modificar | modificar la font]