Giuseppe Torelli

**Giuseppe Torelli**

Profession:	compositor, violonista, mèste de vriolon e cap d'orquèstra
País:	Estats deu papa
Estil:	barròc
Data de neishença:	22 d'abriu de 1658
Lòc de neishença:	Verona
Data de decès:	8 de heurèr de 1708
Lòc de decès:	Bolonha

Giuseppe Torelli (Verona, lo 22 d'abriu de 1658 - Bolonha, lo 8 de heurèr de 1709) que ho un compositor e un violonista italian barròc, hrair deu pintre barròc Felice Torelli.

La soa òbra que joguè un ròtle deus grans dens lo desvolopament deu concerto per solista e deu concerto grosso ; los sons concertos entau vriulon e tà la trompeta que son importants dens los repertòris respectius d'ambs instrument (e mei que mei entau segond).

Torelli que vadó a Verona e qu'estudiè la composicion dab Giacomo Antonio Perti. En 1684 qu'entrè com violonista dens l'Accademia Filarmonica, ua famosa orquèstra de Bolonha. Que ho tanben membre de l'orquèstra de la Basilica de San Petronio. A la dissolucion d'aquesta orquèstra, Torelli que viatgè dens lo Sent Empèri Roman Germanic : Berlin, Ansbach e Viena. En 1698 qu'èra au servici deu Margrave de Brandeborg-Ansbach. Que tornè a Bolonha en 1701 entà tornar tanben dens la soa orquèstra de San Petronio qui èra estada alavetz reviscolada.

Torelli que publiquè 8 opus, mantuns concertos e sinfonias (dab ua contribucion importanta entà la trompeta e concertos per 1 e tanben 4 trompetas). Las soas composicions que son escrivudas a còps per orquèstras sinfonicas dab còrdas e de vents. Que compausè tanben un oratorio suu tèma d'Adam acaçat deu paradís.

Ligam extèrne [modificar]

[3] Sus youtube.com, concerto en Re per trompeta interpretat per la trompetista Alison Balsom.
[4] Particions a gratis suu site de l'International Music Score Library Project.
[5] Particions a gratis suu site deu WIMA.