Georg Philipp Telemann

Un article de Wikipèdia, l'enciclopèdia liura.
Anar a : navigacion, Recercar
Georg phillip Teleman

Georg Philipp Telemann (Magdeburg, Ducat de Magdeburg, Sant Empèri Roman Germanic, lo 14 de març de 1681 - lo 25 de junh de 1767) que ho un deus compositors barròcs màgers deu monde germanic.

Que vadó dens ua familha borgesa de Magdburg. Orfanin de pair, que ho educat per la soa mair. Que comencè a estudiar la musica aus 10 ans en bèth muishar talents deus grans. Aquesta vocacion non ho pas au grat de la mair qui ensagè deu har abandonar la musica. Que perseguí totun sus aquesta via en bèth apréner sol mantun instrument (clavièrs, flabutas, còrdas e hregadas e coires).

En 1701 que comencè estudis de dret a Leipzig mes que's he arreconéisher dab los sons talents musicaus e que fondè ua orquèstra, que ho nomat director de l'operà. En 1705 que deishè Leipzig entà vàder mèster de capera deu comte Erdmann II a Sorau (uèi Zary en Polonha). En viatjant qu'avó lo parat d'enriquir lo son estil e de rescontrar Johann Sebastian Bach, l'aute gran compositor gemanic d'aquesta tempsada.

Lo som de la soa carrièra qu'arribè en 1721 quan e hore au cap de cinc caperas de la ciutat de Hamburg.

Teleman qu'ei considerat com un deus compositors mei prolific de l'istòria de la musica academica occidentau. Las soas òbras (qui mantuns manescrits originaus e hon destrusits durant la Segonda Guèrra Mondiau) que son classificats dab un numèro TWV (per Telemann-Werke-Verzeichnis).

Lo son arrèr hilh, Georg Michael Telemann que ho tanben un compositor deus famós.