Zaho de Sagazan
Zaho de Sagazan, nascuda Zahia Le Moniès de Sagazan lo 28 de decembre de 1999 a Sant-Nazer (França), es una cantaira francesa, tanben autora e compositritz. Coma influéncias, se reivindica a l'encòp de la musica electronica de las annadas 1980, en particular la new wave alemanda (a représ 99 Luftballons de Nena) e la darksynth, e evidentament de la granda cançon francesa, en particular Jacques Brel e Barbara.
Zaho de Sagazan es la filha del pintre e escultor Olivier de Sagazan. Apren la dança dins son enfança a Sant-Nazer.
A la fin de sos estudis, partís viure a Nantas e se lança dins la cançon. Aital, a partir de 2019, participa a fòrça festenals francofòns, Le Printemps de Bourges, Les Francofolies de La Rochelle, Rock en Seine etc… En 2021, fa la primièra partida de Hervé a L'Olympia a París. Sa cançon Suffisamment comença alavetz a aver un pauc de resson. Als Trans Musicales de Rennes en 2022, jòga e canta sus l'empont de L'Aire Libre pendent los cinc sers del festenal.
Lo 31 de març de 2023, Zaho de Sagazan publica son primièr album, La symphonie des éclairs. Es certificat disc d'aur en decembre de 2023 après aver atench lo cap de 50 000 exemplars venduts.
Nommada cinc còps a la 39na ceremonia de las Victòrias de la musica en França, empòrta al mes de febrièr de 2024 los prèses de la melhora cançon originala (pel títol La symphonie des éclairs), del melhor album, de la revelacion scèna e de la revelacion femenina.[1]
Discografia
[modificar | Modificar lo còdi]2023 : La symphonie des éclairs
Cançons mai conegudas
[modificar | Modificar lo còdi]- Suffisamment (2021)
- Les dormantes (2022)
- Tristesse (2023)
- La symphonie des éclairs (2023)
- Dis-moi que tu m'aimes (2023)
- Aspiration (2024)