Wolfram von Eschenbach
Wolfram von Eschenbach (nascut vèrs 1170 dins lo vilatge de Eschenbach en Bavièra - mòrt vèrs 1220) èra un poèta alemand de l'Edat Mejana. Es considerat coma un dels poètas epics mai grand de son temps e un dels representants màger de la literatura cortesa de l'Edat Mejana alemanda. Coma Minnesänger, l'equivalent germanic dels trobadors, tanben escriguèt de poesia lirica.
Vida[modificar | Modificar lo còdi]
Se sap pas grand causa de la vida de Wolfram, senon çò que se dedusís de las seunas òbras. Se conclutz de son nom que nasquèt a Eschenbach (ara Wolframs-Eschenbach) en Bavièra, près d'Ansbach. Mai, se sap que seguèt coma cortesan un cert nombre de Corts dins sa vida[1].
Òbra[modificar | Modificar lo còdi]
Ara, Wolfram es conegut per son Parzival, qu'es a vegada considerat coma l'epopèa alemanda mai granda del temps. Basada sul Perceval de Chrétien de Troyes, es la primièra òbra en alemand que lo subjècte es lo Sant Grasal.
Dins son Parzival, Wolfram exprima lo desdenh per la version inacabada de Chrétien de Troyes, e declare que sa font èra un poèta nomenat Kyot que viviá en Provença. Unes especialistas creson que Wolfram parla de Guiot de Provins. Pasmens, pas cap de las darrièras òbras sus sa vida lo liga als tèmas de Perceval. Mas, d'autres creson que Kyot èra simplament un dispositiu literari inventat per Wolfram per explicar las diferéncias amb la version de Chrétien de Troyes.
Posteritat[modificar | Modificar lo còdi]
Sa version de la quista del Sant Grasal, Parzival, puèi son Titurel donan al mite un reson esoteric fòrça mai important que per Chrétien de Troyes: lo Grasal es gardat per de Templèrs, e es reservat a unes « elegits » de se n'aprochar, elegits ligats per… una linhada comuna. Fòrça societats secrètas del sègle XIX s'inspirèron o foguèron influenciats per aquela idèa.
Lo Parzival de Wolfram foguèt la font màger de Richard Wagner quand concebèt lo libret de son opera, Parsifal. E mai, Parzifal es lo paire de Lohengrin, autre opera wagnerian. Lo quita Wolfram aparéis coma personatge dins Tannhäuser, un autre opera de Wagner.
Òbras[modificar | Modificar lo còdi]
Notas e referéncias[modificar | Modificar lo còdi]
Bibliografia[modificar | Modificar lo còdi]
- (fr)La Quête du Graal, Wolfram von Eschenbach et la réalité historique, Werner Greub, Ed. Anthroposophiques Romandes, Genève 2002.
- (de)"Sippe une geslehte" Verwandschaft als Deutungsmuster im Willehalm Wolframs von Eschenbach, Martin Przybilski, Reichert Verlag, Wiesbaden, 2000 (Imagines Medii Aevi Band 4).
Articles connexes[modificar | Modificar lo còdi]
Liens externes[modificar | Modificar lo còdi]
- (de)Poèma