Wikipèdia:AcuèlhLutzSus/15 de genièr

Vielha, en Aran

Aran o era Val d'Aran (mens locaument era/la Vath d’Aran, la Vau d’Aran) ei un parçan d’Occitània, situat ena region istorica de Gasconha, e formant ua comarca semiautonòma, administratiuament e istoricament assignada ath Principat de Catalonha e ar Estat espanhòu.

Eth caplòc ei era vila de Vielha.

Era Val d’Aran se trape ena part centrau dera sarrada pirenenca e ei era soleta val des Pirenèus de l’Espanha d’aiguavessant atlantic. Era sua estenuda ei de 620 km², era poblacion ei de 10 268 abitants (2019).