Vivianita

Un article de Wikipèdia, l'enciclopèdia liura.
Salta a la navegació Salta a la cerca
Fotografia d'un agregat de vivianita (Custer County, Dakota dau Sud).

La vivianita es un minerau incolòr ò blanc que sa color evoluciona vèrs lo verd au contacte de l'èr. A una duretat de 2,0 e una densitat de 2,6-2,7. Es formada de fosfat idratat de fèrre (simbòl quimic : Fe3(PO4)2, 8H2O) cristallizat segon un sistèma monoclinic de classa prismatica. Lei cristaus naturaus son prismatics e pòdon agantar de longors fòrça importantas. Pasmens, aqueu minerau forma tanben d'agregats fibrós. Son esclat es veirenc a metallic.

Minerau segondari eissit de l'alteracion d'autrei mineraus, la vivianita se troba dins lei zònas d'oxidacion dei jaciments de sulfurs e dins lei zònas d'alteracion dei fosfats de fèrre e de magnèsi dins lei venas pegmatiticas. Gràcias a sa duretat auta, pòu tanben èsser transportat sus de distàncias importantas e se concentrar dins de depaus sedimentaris. Es generalament associada ambé d'autrei mineraus d'alteracion. Es de còps utilizada coma colorant mai aquel usatge es rar car lei jaciments de vivianita son generalament tròp pichons per permetre una esplecha economicament rendabla.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]