Vescomtat de Tièrn

Blason de l'ostal de Tièrn, D'aur au lion de gules.

Lo vescomtat de Tièrn foguèt 'na jurisdiccion feudala d'Occitània, en Auvèrnhe, fondada au mejan dau sègle IX per Matfre(d), filh supausat dau vescomte d'Auvèrnhe (coneguts tanben coma Vescomtes de Clarmont). La Mure supausa qu'èra lo quatren filh d'Armand I vescomte d'Auvèrnhe mas l'istorian Étienne Baluze i es pas d'acòrdi. 'Na autra version ditz qu'a la mòrt dau vescomte Robèrt, daissèt los domenis dau vescomtat d'Auvèrnhe au sieu filh ainat e la senhoriá de Tièrn au filh segond Matfre(d).

L'avesque Estève II de Clarmont d'Auvèrnhe donèt de tèrras a Matfre(d) au meig dau sègle X. Lo succediguèt lo sieu filh Gui I, mas moriguèt jove pas gaire après 962 e lo succediguèt lo sieu fraire Estève I. Se sona que Gui I èra senhor mas pendent lo sieu govèrn prenguèt lo títol de vescomte. 'Quel aguèt coma successor au sieu filh Giu II qu'apareis en 978 en retornant a Clunhic proprietats que li èran estats donadas per Amblard II avesque de Lion, cosin de Gui II, que 'quel aviá usurpat. Seriá mòrt en 1031 e se maridèt ambé Reclinda ambé la qu'aguèt tres filhs que la neauriá succedida Guilhèm I. Après 'quel apareis Guilhèm II que se soslinha pas la tanhença ambé autres senhors mas poiriá èsser filh de Guilhèm I.

Guilhèm II viviá encara en 1083 e foguèt lo paire de Guilhèm III (constatat en 1088) au que succediguèt lo sieu filh Gui III (mòrt après 1130). Un fraire de Guilhèm III, Gui de Tièrn, succediguèt au sieu oncle mairal coma comte de Chalon, mas ambé lo comtat partejat ambé Jofré de Donzy. La dinastia de Tièrn a Chalon durèt fins a 1227.

Gui III foguèt lo paire de Gui IV que li succediguèt après 1130. Apareis en 'na donacion en 1155; aguèt coma successor au sieu filh Gui V que viviá encara lo 1185; maridat ambé Clemença de Cortenai (filha de Pèire de França, senhor de Cortenai) foguèt lo paire dau successor Gui VI que moriguèt vèrs 1233 e se maridèt ambé Marquesa de Forés (filha dau comte Gui III de Forés) e aguèt tres filhs que Chatard li succediguèt a Tièrn; 'quel senhor es pauc conegut; se maridèt dos còps mas cònsta solament la segonda femna, Brunissenda de Peschadoira e de Volort, ambé la qu'aguèt au sieu successor, Gui VII (mòrt vèrs 1300) maridat ambé Margarida de Tièrn, filha de Guilhèm de Tièrn senhor de Volort (Guilhèm èra filh d'Estève fraire de Gui VI e tronc daus senhors de Volort).

Gui VII aguèt coma successor lo sieu filh, Guilhèm IV (+ après 1319), maridat ambé Agnès de Maumont e de parents dau successor Guilhèm V maridat ambé Radegonda Guenand. Un autre fraire de Guilhèm IV, Loís, recebèt Volort e foguèt lo tronc daus senhors de Volort. Lo darrièr vescomte, Guilhèm V, donèt Tièrn, amassa ambé la senhoriá annèxa Peschadoira, au sieu cosin Joan I de Forés (1279-1333), en pensant qu'auriá pas succession. Après, en aver de filhs, se modifiquèt l'acòrdi e la donacion se convertiguèt en 'na permuta, e recebèt ne fagatz los chastèus e senhoriás de Sant Maurici, Chastelus-en-Roannois, Bussy e lo meig de las senhoriás de Gouville e Saint-Germain-des-Vaux qu'a la siá mòrt en 1311 o après 1319 passèron au sieu jove filh Guilhèm (mòrt en 1320).

Lista de vescomtes

La vila de Tièrn ambé son chastèl vèrs 1450.

Article detalhat: Lista daus sobeirans de Tièrn.

• Matfre(d) v 917/v 928-v 947
• Gui I (filh) v 947-?
• Estève I (fraire) ?-962
• Gui II (filh) 962-1031
• Teotard I (filh) v 1031-1035? (segon lo wiki catalan; la sorsa per l'annada de sa mòrt es pas citat)
• Guilhèm I (fraire) v 1031/v 1035-v 1048
• Estève II (filh) v 1048-v/ap 1060
• Guilhèm II (filh) v/ap 1060-ap novembre de 1083
• Guilhèm III (filh) ap novembre de 1083-v 1120
• Gui III (filh) 1120-v/ap 1130
• Gui IV (filh) v/ap 1130-v 1155
• Gui V (filh) v 1155-1204
• Gui VI (filh) 1204-1236
• Chatard (filh) 1236-1259
• Gui VII (filh) 1259-1300
• Guilhèm IV (filh) 1300-1301 (mòrt en 1311 o après 1319)
• a Joan I comte de Forés 1301.

Nòtas e referéncias

Referéncias

• (ca) Aqueste article es parcialament o en totalitat eissit d’una traduccion de l’article de Wikipèdia en catalan intitolat « Vescomtat de Thiern ».