Vendetta

Vendetta èra un grop de ròck francés fondat dins las annadas 1990 en Normandia (França) jol nom de Topaze per la cantaira Sylvie Hoarau (nascuda lo 28 de junh 1970 a Roan) ambe lo guitarrista Stéphane Dorey e Greg Maume a la batariá. Lo trio original jòga dins las salas normandas, puèi en 1995, van a París ont encontran Jérôme Maklès que ven lor bassista.

En Occitània, son sustot coneguts pel títol pop-electro French Kiss.

Topaze a cambiat de nom per Vendetta en seguida d'una error a la ràdio : Vendetta èra lo nom d'una de lors cançons, e un animator sus una ràdio francesa auriá anonciat « Aquí Vendetta, ambe lo títol Topazi ».

Se l'òm fa abstraccion de qualques disques auto-produches, lo sol vertadièr album publicat per Vendetta foguèt Drôle d'idée en 2004, precedit fin 2003 del single French Kiss : en efièch, lo grop se separèt pendent l'enregistrament del futur segond album, que serà pas jamai acabat.