Vau Loïsa e Pelvós
Vau Loïsa e Pelvós es, dempuèi lo 1èr de genièr de 2017, una comuna nòva situaa dins lo Briançonés, dins lo departament daus Auts Aups, dins la region Provença-Aups-Còsta d'Azur formaa per la reünion, lo 1èr de genièr de 2017 de las ancianas comunas de Vau Loïsa e de Pelvós.[1]
Situaa dins los Aups, dins lo pargue nacional daus Escrinhs.
Es un luòc famós de l'alpinisme e daus espòrts de montanha, en tota sason. L'estacion d'espòrts d'ivèrn de Pelvós e Vau Loïsa es dins aquela comuna.
Los abitants de la partida Pelvós son nomenats pelvosencs e los de la partida Vau Loïsa los Vauloïsencs.
Geografia[modificar | Modificar lo còdi]
Localizacion[modificar | Modificar lo còdi]
Vau Loïsa e Pelvós es situat au còr dau massís daus Escrinhs, dins la Vau Loïsa, que seguís las vaus de Gir e d'Onda, naissença de Gironda. L'accès per la rota en venent dau sud se fa per la vau de la Nauta Durença. Las vilas mai pròchas son L'Argentièra e Briançon.
L'aerodròm mai pròche es aquel de Sant Crespin.
Los aeropòrts mai prèp son los de Chamberí (96,6 km), Lion (LYS) (144.6 km), Niça (NCE) (147.2 km), Genèva (GVA) (153 km) e Marselha (MRS) (189.3 km)
Geologia e relèu[modificar | Modificar lo còdi]
Dins son territòri, se tròban las mai nautas cimas daus massís daus Escrinhs : la Barra daus Escrinhs (4 102 mètres), lo Dòma de Nèu daus Escrinhs (4 015 mètres), l'Alafreda (3 954 mètres), lo Mont Pelvós (3 946 mètres), lo Pic Sens Nom (3 913 mètres), lo Pic Coolidge (3 775 mètres), Ròcha Fauriá (3 730 mètres), la Montanha daus Anhèus (3 664 mètres), lo Pic de Nèu Cordier (3 614 mètres), los Bans (3 669 m), la poncha daus Buòus Roges (3 516 m), lo Pic daus Aupilhons (3 505 m), lo Pic de Bonvesin (3 480 m), lo Pic Jocelme (3 458 m), la Poncha de Verdona (3 328 m), la Poncha de l'Aiglièra (3 307 m), lo Capdamont de Montbrison (2 815 m). Òm tròba tanben mantes glacièrs, dont los principals son : Lo Glacièr Blanc, Lo Glacièr Neir, Lo Glacièr dau Selen ('Sélé', nom occitan de verificar).
Idrografia[modificar | Modificar lo còdi]
Aquela comuna regropa las vaus de Gir e d'Onda, qui forman puèi Gironda. Gir resulta de la confluéncia dels torrents d'Eichauda e d'Alafreda ; Onda resulta dau jonhent daus torrents de Bans e de Sèla.
Urbanisme[modificar | Modificar lo còdi]
Tipologia[modificar | Modificar lo còdi]
Vau Loïsa es Pelvós es una comuna rurala,.[2] Fa d'efièch partida de las comunas pauc o fòrça pauc densas, al sens de la grasilha comunala de densitat de l'Insee[3],.[4] La comuna es en mai fòra atraccion de las vilas,.[5][6]
Morfologia urbana[modificar | Modificar lo còdi]
Los vilatges ancians son sovent bastits en fons de val, e compòrtan de capmases d'alpatge. L'arquitectura locala es tipica d'aquela de la Vau Loïsa.
Luòcs-diches, capmases e escarts[modificar | Modificar lo còdi]
Los principals capmases son : Vila o Vila-Vau Loïsa Rièra Pont, lo Vilar, Puèi Alhaud, lo Petit Parchier, lo Grand Parchier, la Brisa, Lo Poet, lo Sarret, lo Fanjàs, Sant Antòni (cap-luòc), los Claus e Alafreda.
Toponimia[modificar | Modificar lo còdi]
Com la nascuda del regropament de las comunas de Vau Loïsa e de Pelvós, vejatz los articles respectius.
Istòria[modificar | Modificar lo còdi]
La fusion de las ancianas comunas de Vau Loïsa e de Pelvós, demandadas per deliberacions concordantas de lors conselhs municipals del 29 de junh de 2016 per tal de beneficiar d'una ajuda financièra acordada per l'Estat, foguèt validada per un decrèt prefectoral del 5 de setembre de 2016 qu'a pres efècte lo 1èr de genièr de 2017, qu'atribuís l'estatut de comuna delegada a las ancianas collectivitats.[1] Pasmens, la fusion foguèt lèu contestada per d'unes administrats, çò que provoquèt la demission d'una part del conselh municipal elegit en 2020 e l'organizacion d'eleccions municipalas parcialas en setembre de 2022, que veson la victòria de l'equipa menada per Gaëlle Moreau, qu'aviá ja batut lo cònsol sortissent Jean Conreaux a las eleccions cantonalas de 2021.
Politica e administracion[modificar | Modificar lo còdi]
Estacaments administratius e electorals[modificar | Modificar lo còdi]
La comuna se tròba dempuèi sa creacion dins l'arrondiment de Briançon del departament dels Auts Aups.
Per las eleccions departamentalas, la comuna fa part dau canton de l'Argentièra.
Per l'eleccion daus deputats, fa part de la segonda circonscripcion daus Auts Aups.
Intercomunalitat[modificar | Modificar lo còdi]
La comuna es membre, coma o èran las ancianas comunas fusionadas, de la comunitat de comunas dau País daus Escrinhs, un establiment public de cooperacion intercomunala (EPCI) de fiscalitat pròpria creat fin 2000 e al qual la comuna a transferit un cèrt nombre de sas competéncias, dins las condicions determinadas pel còdi general de las collectivitats territorialas.[1]
Administracion municipala[modificar | Modificar lo còdi]
L'ostal de la comuna es situada dins lo capmàs de Sant Antòni, lo capmàs ont se trobava l'anciana comuna de Pelvós.[1]
Fins a las eleccions municipalas de 2020, lo conselh municipal es constituit de 19 membres, es a dire de l'ensems daus conselhièrs municipals de las ancianas comunas. Durant lo mandat 2020-2026, aquel nombre rèsta fixat a 19, compreses lo cònsol e sos adjunts.[7]
Lista dels cònsols[modificar | Modificar lo còdi]
- {{{títol}}}.[8]
- {{{títol}}}.
- {{{títol}}}.
Nòtas e referéncias[modificar | Modificar lo còdi]
Referéncias[modificar | Modificar lo còdi]
- ↑ 1,0 1,1 1,2 et 1,3 , pp. 33-35.
- ↑ Error en títol o url. www.observatoire-des-territoires.gouv.fr..
- ↑ Error en títol o url. le site de l’Insee..
- ↑ Error en títol o url. www.observatoire-des-territoires.gouv.fr..
- ↑ Error en títol o url. insee.fr..
- ↑ Error en títol o urlMarie-Pierre de Bellefon, Pascal Eusebio, Jocelyn Forest, Olivier Pégaz-Blanc et Raymond Warnod (Insee). .. insee.fr..
- ↑ Error en títol o url..
- ↑ Error en títol o url (en francés). museum.hautes-alpes.fr.