U96
U96 es un projècte musical electro mai que mai anglofòn format pels productors alemands Alex Christensen, Alberto Ingo Hauss, Helmut Hoikins, e Hayo Lewerentz.
Son nom es tirat del celèbre filme Das Boot (lo batèu, en alemand) sul famós sosmarin alemand U96 de la Segonda Guèrra Mondiala. Lo primièr succès del projècte, Das Boot (1992), es justament una version tècno dance del generic del film, musica compausada a l'origina per Klaus Doldinger. Lo títol Das boot / Kennedy el es una mèscla a l'encòp de Das boot e de la musica de Fade to grey, tròç synthpop franco-anglés del començament de las annadas 80 del grop new wave britanic Visage.
U96 es devengut culte pr'amor d'aver estat a la crotzada de la mudason de la musica house a la mòda a la tota fin de las annadas 80 en tècno eurodance au començament de las annadas 90, considerat fin finala coma l'un dels primièrs grands grops populars d'aqueste estili. Aital, se Das Boot e Das boot / Kennedy son clarament tròcis de house tardiva (per pas díser post-synthpop per Das boot / Kennedy o Love sees no colour), en seguida foguèron clarament un dels grops emblematics de l'empont tècno dance ambe los tubes Night In Motion, Love religion o encara Club Bizarre.
Cançons mai conegudas[modificar | Modificar lo còdi]
- Das boot (1992, basat sus la musica de Klaus Doldinger del filme Das boot)
- Das boot / Kennedy (1992, basat a l'encòp sus la musica de Klaus Doldinger del filme Das boot e sus Fade to Grey de Visage)[1]
- Ambient underworld (1993)
- Love sees no colour (1993, basat sus la musica de Living on video de Trans-X)
- Night In Motion (1993)
- Love religion (1995, basat sus The Chase de Giorgio Moroder)
- Club Bizarre (1995)