Tugan Sokhiev

Tugan Sokhiev (en rus Туган Таймуразович Сохиев, nascut en 1977 a Vladikavkaz (Ossetia del Nòrd), es un cap d'orquèstra ossèta de ciutadanetat russa. Estudièt al Conservatòri Rimski-Korsakov de Sant Petersborg. Disciple d'Iouri Temirkanov e d'Ilya Musin, foguèt diplomat en 2001, alara que ja aviá ganhat (en 2000) lo primièr prèmi del 3ⁿ Concors internacional Prokofiev. Venguèt cap màger de l'Orquèstra Sinfonica de Russia e director artistic de l'Orquèstra Filarmonica d'Ossetia del Nòrd, fins a la sason 2002-2003. Dirigiguèt los Orquèstras filarmonicas de Londres, de Munic, d'Estocòlme, d'Òslo, d'Amsterdam, lo Metropolitan Opera...).

Se faguèt remarcar pel primièr e tresen concertos per piano de Rachmaninov amb Mikhail Pletnev, en novembre de 2003, e per L'Amor dels tres iranges de Prokofiev al Festenal d'Ais de Provença, produccion que tornèt far al Grand Teatre de la vila de Luxemborg en 2005 e al Teatro Real de Madrid en 2006.

Son trabalh amb lo Teatre Mariinsky comencèt amb Lo viatge a Rems, de Gioachino Rossini, en decembre de 2001. I Tornèt en 2002 e 2003 per Eugène Oneguin de Chaikovskii, puèi en 2004 pel meteis opèra e lo Lo Gal d'aur de Rimskii-Korsakov, Iolanta de Chaikovskii, Samson et Dalila de Saint-Saëns.

Tugan Sokhiev es tanben sovent invitat al cap de la Philharmonia Orchestra que dirigiguèt amb succès pel primièr còp en agost de 2002. Per la sason 2003-2004, dirigiguèt l'Orquèstra Nacionala del Capitòli de Tolosa‎, e en abril de 2005, foguèt nomenat per la vila de Tolosa cap màger invitat e conselhièr musical, nominacion qu'onorèt per una dotzena de concèrts amb l'Orquèstra del Capitòli per la sason 2005-2006. A la fin de junh de 2008, Tugan Sokhiev foguèt nomenat director musical de l'Orquèstra Nacionala del Capitòli de Tolosa per un periòde de tres ans, prolongada en 2010 fins a 2016.

Precedit per Michel Plasson

Cap màger, Orquèstra Nacionala del Capitòli de Tolosa‎ fins a 2016 Tugan Sokhiev

Seguit per -