The Pointer Sisters
The Pointer Sisters es un grop musical femenin anglofòn american originari d'Oakland en Califòrnia (Estats Units), popular dins las annadas 1970 e 1980. Lor repertòri se compausa de genres divèrses, country, pop, disco etc.
The Pointer Sisters an recebut tres Grammy Awards e se son vist decernir en 1994 una estela al Hollywood Walk of Fame. Tretze de lor cançons se son classadas dins lo Top 20 dels Estats Units entre 1973 e 1985.
En 1969, lo grop se compausa del las doas sòrres June e Bonnie Pointer. Lo duò deven un trio ambe l'arribada de lor sòrre Anita Pointer. En decembre de 1972, lor autra sòrre, Ruth Pointer, se jonh al grop, lo qual ven aital un qüatuor.
Lor primièr album eponim sòrt en 1973. Lo grop comença alavetz a conéisser la capitada als Estats Units, e es recompensat per un Grammy Award en 1975 per lor cançon Fairytale (1974) dins la categoria « Melhora proesa vocala country ». Bonnie Pointer (1950-2020) quita lo grop en 1978 per se consacrar a una carrièra en sòlo.
Coma trio compausat de las sòrres June, Ruth e Anita, lo grop coneis sas mai gròssas capitadas a la fin de las annadas 1970 e dins las annadas 1980 : Fire en 1979, He's So Shy en 1980, Slow Hand fin 1981, Automatic e Jump (for My Love) en 1984, Neutron Dance en 1985, es sustot I'm So Excited en 1982, cançon sortida tornamai en 1984, la mai coneguda de totas.
La paura Anita Pointer defuntèt lo 31 de decembre de 2022.[1]
Cançons mai conegudas (en Occitània)[modificar | Modificar lo còdi]
- Fire (1979)
- He’s so shy (1980)
- Slow hand (1981)
- I'm So Excited (1982)
- Automatic (1984)
- Jump (for my love) (1984)
- Neutron dance (1985)
- Dare me (1985)
- Goldmine (1987)