Sent Çubran

Plaça interiora Sent Çubran

Prada dels filtres

Sent Çubran es le nom d'un quartièr de Tolosa.

Situacion

Es le quartièr ancian de la vila situat sus la riba esquèrra de Garona. La carrièra de la Republica que ven del pont Nau e la carrièra del Pont Sent Pèire que ven del pont de meteis nom travèrsan le quartièr cap a la Plaça interiora Sent Çubran. E s'acaba per la passejada Charles de Fitte; aprèps se tròba le quartièr Pè d'Auca.

Toponimia

Le nom deu barri, atestat en 1534, St Subran, es Sent Çubran (-n muda), pr'amor d'una anciana capèla dedicada a S. Cyprianus, avesque d'Antiòca d'Orontes, e a Senta Justina. .

Istòria

Longtemps, le quartièr fosquèc daissat a la mercé de las garonadas, coma en 1895 ont le nivèl de l'aiga despassèc 3,5 mètres, e fasquèc de centenats de victimas. Le quartièr fosquèc tanbens l'asil dels gascons venguts de l'oèst e le refugi dels paures, dels malauts, dels pariàs e dels immigrats que le centre vila fòragetavan.

Transpòrts

L'estacion de mètro Sent Çubran Republica es situada jos la plaça Interiora Sent Çubran. En superfícia i a le passatge de linhas de busses.

Lòcs e monuments del quartièr

• Espital de la Grava e Ostal Dieu de Sant Jaume.
• Castèl d'aiga qu’abriga una galariá e un musèu consacrat al la fotografia.
• Musèu d'Art Modèrne de Tolosa
• Musèu de l'Aficha
• Prada dels Filtres
• Glèisa Sent Jiròni