SU-85

Un article de Wikipèdia, l'enciclopèdia liura.
Anar a : navigacion, Recercar

Lo SU-85 es un caçaire de carris sovietic utilizat durant la Segonda Guèrra Mondiala.

Desvolopat a partir dau quadre dau T-34, èra destinat a la lucha còntra lei carris pesucs alemands dau tipe Tigre que son blindatge espés èra capable d'arrestar leis obús de 76,2 mm. Per aquò, lo SU-85 foguèt equipat d'un canon antiaerian poderós (lo 85 mm M1939) que podiá tirar de municions anticarris eficaças còntra totei lei blindats dau periòde. La produccion durèt de l'estiu de 1943 a la fin de 1944 e aperaquí 2 050 unitats jonhèron lei rengs de l'armada sovietica. Utilizat d'aost de 1943 a la fin dau conflicte, lo SU-85 demostrèt son eficacitat còntra lei carris enemics mai foguèt fòrça vulnerable ais atacas de l'infantariá en causa de proteccions lateralas tròp feblas.

Après 1945, lei Sovietics exportèron lei SU-85 subrevivents vèrs seis aliats dau blòt socialista. En fòra de Vietnam e de la Corèa dau Nòrd, lo veïcul demorèt pasmens gaire en servici e foguèt remplaçat durant leis ans 1940 ò 1950 per de modèls pus modèrnes. En Polonha, certanei SU-85 foguèron transformats en veïculs de comandament ò de reparacion e conoguèron una durada de foncionament pus lònga (fins ais ans 1960).

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]