Sètge de Niça (1388)

Lo sètge de Niça dau 1388 es una temptativa de sètge menada per una armada angevina a la fin de la Guèrra de l'Union d'Ais en vista de sometre la darriera vila importanta encara ostila en Provença. Una armada comandada per Jòrgi de Maria foguèt encargada de l'operacion. Someteguèt la valada bassa de Var e assetjèt la vila durant un mes. Totun, deguèt si retirar a causa de problemas financiers.

Aquelu combats convencèron li elitas niçardi de la determinacion dau partit angevin e de la necessitat de trobar d'aliats. Totun, a la fin de la guèrra, la vila èra isolada car toi li vilas importanti de Provença avian negociat son raliment. Lo sètge accelerèt donc la Dedicion de Niça. D'efècte, incapable de perseguir la sieua resisténcia emb li sieui ressorsas, Niça demandèt de cambiar de senhor e si ralièt au duc Savòia. Aquò non pauèt de problemas car Savòia avia ensajat d'aprofechar li dificultats provençali per annexar divèrsi zònas frontalieri. Lo sieu duc, Amedèu VII de Savòia, acceptèt donc rapidament de protegir Niça. En fàcia, lu còmtes de Provença non avian lu mejans per intrar en guèrra e, finalament, acceptèron la dedicion en lo 1419.

Ligams intèrnes

• Dedicion de Niça.
• Guèrra de l'Union d'Ais.