Rosalina Ròcha
Rosalina Ròcha, o mai sovent jos la forma francesa Roche; (Alès, 1946) es una escrivana occitana de Lengadòc. Fòrça implicada e activa dins l'occitanisme, foguèt fondadora de la revista e ostal d'edicion Jorn tre 1981.
Biografia
[modificar | modificar lo còdi]Nada Alès de parents de classa obrièra, estudièt la literatura a Montpelhièr e s'impliquèt dins los eveniments de mai del 1968. Se maridèt e venguèt ensenhaira dins la region de Cantal, del temps que son òme èra a Sant Flor; lo coble tornèt mai tard dins la region del Gard ont ensenhèron dins d'escòlas privadas. Contribuiguèt a Obradors (Centre d’Estudis Occitans, Montpelhièr), ont apareguèron sos primièrs tèxtes, e puèi a Jorn, una revista editada per l’associacion omonima, que ne foguèt una de las fondatritz. Aparaguèt dins "Occitania 1970, los poètas de la descolonizacion" de Marie Rouanet ; e dins "Vagabondages Poètes de langue d’oc" (n° 32-33, setembre 1981).
Òbras
[modificar | modificar lo còdi]- Lo tetarèl ; La retirada ; La platana ; La dorga Oc No 19, setembre del 1983, pags. 22-31.
- D'ont siás, poèmas Subervie, Rodés, 1969
- Òm sap pas coma, poèmas Messatges, Institut d'Estudis Occitans (Montpelhièr), 1971.
- En cerca del revèrs, poèmas Obradors, C.E.O. 1977.
- La rota, novèla Jorn no , 1981.
- Las renadivas Vent Terral, Coll. Cercamon, 1982.
- Enclusas, poèmas Jorn no , 1984.
- Sensa nom, la romeca, lo babau e la television, novèlas Jorn, 1987.
- Lo viòl de la Hemna mòrta Messatges, Institut d'Estudis Occitans (Montpelhièr) ; Jorn, 1994.
Ligams extèrns
[modificar | modificar lo còdi]- [emission "La sabor de la lenga" consacrada a Rosalina Ròcha https://m.soundcloud.com/radiotempsrodez/lo-sabor-de-la-lenga-rosaline-roche?in=radiotempsrodez%2Fsets%2Flo-sabor-de-la-lenga-1]
Nòtas e referéncias
[modificar | modificar lo còdi]poetessa occitana del sègle XX escrivan occitan escrivana occitana poetessa occitana naissença a Alès