Revòlta dels Tochins

Un article de Wikipèdia, l'enciclopèdia liura.
Anar a : navigacion, Recercar

La revòlta dels Tochins foguèt una rebellion populara occitana que comencèt a l'entorn de 1363 e durèt fins a 1384. Nascuda primièr en Auvèrnhe coma responsa a las exaccions de las companhiás dependentas de la corona anglesa, la revòlta s'espandiguèt puèi per Lengadòc que la visquèt prigondament de 1380 a 1384. Lo nom tochin ven de tocha (bartasses) que los rebèls s'i amagavan a la debuta. L'intensitat d'aqueste movement foguèt mai fòrta dins lo país gardonenc.

Posteriorament l'emplec del nom tochin venguèt pro negatiu dins una part del territòri lengadocian e provençal. L'aculhida que la vila de Vesenòbre fasiá als rebèls valguèt a sos abitants l'escais de tochins.