Vejatz lo contengut

Religions tradicionalas africanas

Aqueste article es redigit en provençau.
Un article de Wikipèdia, l'enciclopèdia liura.

Lei religions tradicionalas africanas designa l'ensemble dei religions autoctònas istoricament practicadas en Africa, especialament en Africa Subsahariana, avans l'arribada dei religions abraamicas importadas (cristianisme e islam). Consideradas coma d'animismes, aquelei religions presentan de trachs comuns coma l'existéncia d'un dieu creator iniciau[1], l'existéncia de divinitats liadas ai diferenteis aspèctes de la vida e de la natura, un culte dei rèires, un culte deis esperits, un cicle de reïncarnacions e la necessitat de seguir un percors iniciatic. Pasmens, en despiech d'aquelei similituds dins l'estructura prefonda de sei crèires, lei religions tradicionalas africanas an d'aspèctes diferents dins la vida vidanta (dieus, luòcs sacrats e rites diferents).

Aquelei crèires son encara fòrça vivaças dins lo Golf de Guinèa, en Africa Centrala, en Tanzania e en Madagascar. Lo nombre d'adèptas es estimat entre 100 e 200 milions mai lo calcul es fòrça malaisat en causa de l'existéncia de sincretismes importants amb lo cristianisme e l'islam[2][3]. Per exemple, un African musulman ò crestian pòu tenir còmpte de l'influéncia d'amulets ò de fetiches que son normalament d'elements associats ai religions tradicionalas.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]

  1. (en) Molefi Kete Asante e Ama Mazama, Encyclopedia of African Religion, vol. 1 & 2, Sage, 2009, pp. 53-54.
  2. (fr) Roland Pourtier, « Les territoires des religions en Afrique : enjeux et acteurs », 13e festival international de géographie, Saint-Dié-des-Vosges, 3 au 6 octobre 2002, 2002.
  3. (en) Nicole Échard, « Cultes de possession et changement social. L'exemple du bori hausa de l'Ader et du Kurfey (Niger) », Archives de sciences sociales des religions, n° 79, 1992, pp. 87-100.