RR Lyrae

Un article de Wikipèdia, l'enciclopèdia liura.
Salta a la navegació Salta a la cerca
Variacion de la luminositat de RR Lyrae (magnitud aparenta) en foncion dau temps (jorn).

RR Lyrae[1] es una estela variabla de la constellacion de la Lira qu'es lo prototipe deis estelas variablas dau tipe RR Lyrae. Es una estela de massa febla qu'a consumat lei resèrvas d'idrogèn de son nuclèu e evolucionat per venir una giganta roja. Sa luminositat oscilla entre lei magnituds 7,06 e 8,12 segon un cicle periodic fòrça precís de 13 h 36 min.

La variabilitat de la luminositat de RR Lyrae foguèt descubèrta en 1899 per l'astronoma escocesa Williamina Fleming (1857-1911). L'estela venguèt lo prototipe d'una classa novèla d'estelas variablas caracterizadas per de variacions pulsatilas fòrça regularas dau diamètre e de la luminositat d'una estela giganta roja de massa relativament febla. Dins aquò, lo mecanisme a l'origina d'aqueu fenomèn es pas encara ben comprés[2].

RR Lyrae es una estela giganta roja de 0,65 massa solara que son diamètre variant entre 5,1 e 5,6 diamètres solars. Sembla compausada d'idrogèn e d'èli car lei traças d'autreis elements quimics i son fòrça raras. Sa variacion de volum es acompanhada per una variacion de luminositat fòrça precisa que sa periodicitat foguèt mesurada a 0,566 867 76 jorns[3]. En causa de sa variabilitat, sa distància a respècte de la Tèrra foguèt malaisada de determinar. Es uei estimada a 900 ans lutz.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]

  1. RR Lyrae es egalament dicha 2MASS J19252793+4247040, NLTT 47799, HD 182989, BD+42 3338, HIP 95497, SAO 48421 e LTT 156778.
  2. Es probablament liat a l'efiech Blazhko.
  3. (en) Kolenberg, K.; et al. (February 2011), "Kepler photometry of the prototypical Blazhko star RR Lyr: an old friend seen in a new light", Monthly Notices of the Royal Astronomical Society, 411 (2): 878–890