Prima de Praga

Un article de Wikipèdia, l'enciclopèdia liura.
Sauter à la navigation Sauter à la recherche

Pendent la Guèrra Freja, la Prima de Praga (en chèc: Pražské jaro) es un periòde d'assag de liberalizacion politica en Checoslovaquia que se passèt del 5 de genièr de 1968 fins al 20 d'agost d'aquel meteis an, quand lo país èra ocupat per l'URSS, e los sieus aliats del Pacte de Varsòvia (levat Romania).

Debanament[modificar | modificar la font]

Los chècs e los eslovacs mostravan de signes creissents d'independéncia jos la direccion d'Alexander Dubček. Las reformas politicas de Dubček en Checoslovaquia, las volgavan coma un "Socialisme amb cara umana", representava pas una destruccion completa del regim ancian, coma se passèt en Ongria en 1956. Quin que siá, aquò èra vist pels caps sovietics coma una menaça de lor egemonia suls autres estats de l’Euròpa de l'Èst dins lo domèni de la Tresena Internacionala (Comunista Internacionala).

La politica de la URSS per enforçar los govèrns d'estil sovietic dins de los sieus estats satellits, utilisant la fòrça militara se cal, èra coneguda coma la Doctrina Brejnev, nomenada aital en onor al cap sovietic Leonid Brejnev, que foguèt lo primièr a la declarar publicament, e mai se se practicava ja dempuèi los temp d'Stalin. Aquela doctrina contunhèt de s'aplicar fins que foguèt remplaçada per la Doctrina Sinatra, jol regim de Mikhaïl Gorbatxov dins los ans 1980.

Lo periòde de liberalizacion politica en Checoslovaquia s'acabèt lo 20 d'agost de 1968, quand 200.000 soldats e 5.000 tancs del Pacte de Varsòvia ocupèron lo país. Las criticas de l'Occident foguèron gaireben inexistentas, los escrivans d'esquèrra, coma Tariq Ali, argumentèron que la causa èra que l'Occident vesiá lo socialisme uman e democratic de Checoslovaquia coma una menaça mai granda pel capitalisme que lo comunisme sovietic que, de tot biais, èra ja fòrça descreditat en 1968.

Amb lo nom de Prima se son designats tanben autres processes d'obertura politica coma la Prima de Pequin o la Prima Araba.

Vejatz tanben[modificar | modificar la font]