Placa pacifica

Un article de Wikipèdia, l'enciclopèdia liura.

La placa pacifica es une placa tectonica de la litosfèra de la planeta Tèrra. Sa superfícia es de 2,57685 estereoradians. Es la mai genda de placa tectonica terrestra. S'i associa mai sovent las placas de Futuna, del banc Balmoral, del banc Conway, de las Novèlas Ebridas, de Bismarck Sud, de Bismarck Nord, de Manus e des Carolinas.

Mapa en projeccion ortografica de la placa pacifica.

Cobrís gaireben tot l'ocean Pacific levat las mars de Bering, d'Okhotsk, del Japon, Jauna, de China Orientala, de China Meridionala, de las Filipinas, de Java, de Celèbas, de Banda, de Bismarck, de las Salamon, de Coralh e de Tasman, lo Pacific oriental e l'èst de golf de Califòrnia. Cobrís tanben la mitat sud de l'illa del Sud de la Nòva Zelanda, la peninsula de Bassa Califòrnia e lo sud de la Califòrnia.

La placa pacifica es en contacte amb las placas d'Okhotsk, filipina, de las Marianas, de las Carolinas, de Bismarck Nòrd, de la mar de las Salamon, Woodlark, australiana, de las Nòvas Ebridas, del banc Balmoral, de Futuna, de Niuafo'o, de las Tonga, des Kermadecs, antartida, Juan Fernández, de Nazca, de l'illa de Pascas, de las Galápagos, de las Cocos, Rivera e nordamericana.

Sas frontièras amb las autras placas son formadas de las dorsalas del Pacific Oèst, Pacificantartida e de Juan de Fuca dins l'ocean Pacific, de las fòssas de subduccion de las Aleocianas sus la còsta Sud de las Aleocianas, de Kamtchatka sus la còsta èst de la peninsula de Kamtchatka, de las Korils sus la còsta èst de las Korils, del Japon sus la còsta èst del Japon, d'Izu-Bonin sua la còsta èst de l'archipèla d'Ogasawara, de las Marianas sur la còsta èst de las Marianas, de Bougainville sud la còsta sud de las illas Salamon, de las Tonga sus la còsta èst de las illas Tonga, de las Kermadec sus la còsta èst de las illas Kermadec e d'Hikurangi sus la còsta nòrd èst de la Nòva Zelanda e de la falha Alpina dins l'illa del sud de la Nòva Zelanda. Forman una granda partida de la Cencha de fuòc del Pacific.

Lo desplaçament de la placa pacifica se fa cap al nòrd oèst a una velocitat de 8,10 centimètres per an.

fonts[modificar | Modificar lo còdi]