Mar de las Filipinas

Un article de Wikipèdia, l'enciclopèdia liura.
Salta a la navegació Salta a la cerca
Mapa de la mar de las Filipinas

La mar de las Filipinas es una partida de l'ocean Pacific bordada per las Filipinas e Taiwan à l'oèst, Japon al nòrd amb l'archipèla Nansei (illas Ryukyu), Kyushu, Shikoku, Honshu e l'archipèla de Nanpo, las illas Marianas a l'èst e Palaos al sud.

Lo fons de la mar de las Filipinas se constituís per la placa filipina que passa, a l'oèst, jos la placa eurasiatica que formèt l'archipèla de las Filipinas. Entre ambedoas placas i a la fòssa de las Filipinas (10 540 mètres de prigondor).

A l'èst, la placa pacifica passa jos la placa de las Filipinas per formar la fòssa de las Marianas (10 911 mètres de prigondor).

Del 19 al 20 juin 1944, dins la mar de las Filipinas se debanèt la batalha de la mar de las Filipinas, una batalha navala e aeriana de la Guèrra del Pacific pendent la Segonda Guèrra Mondiala, e qu'opausèt la Marina imperiala japonesa e la Marina dels Estats Units d'America.