Placa de la mar Egèa
La placa de la mar Egèa es una microplaca tectonica de la litosfèra de la planeta Tèrra. Sa superfícia es de 0,00793 estereoradians. Mai sovent es associada a la placa eurasiatica.
Se situa al sud èst d'Euròpa, entre Grècia e Turquia. Cobrís la mar Egèa, lo Peloponés, la Creta e las còstas turcas de la mar Egèa.
La placa de la mar Egèa es en contacte amb las placas eurasiatica, anatoliana e africana. La subduccion de la placa africana jos la placa de la mar Egèa realiza l'arc egèu compausat de fòrça volcans.
Lo desplaçament de la placa de la mar Egèa se fa a una velocitat de rotacion de 0,6497° per milion d'ans segon un pòl eulerian situat a 74°28' de latitud nòrd e 87°24' de longitud oèst (referencial: placa pacifica).
