Plaça San Martín (Buenos Aires)
La Plaça San Martín que's tròba dens lo quartièr de Retiro a Buenos Aires. Que ho decretada Lòc Istoric Nacionau per l'estat Argentin en 1942. Que costeja l'avienguda Santa Fe, las carreras Esmeralda, Arenales e Maipú, l'avienguda del Libertador, la Carrèra Florida e la carrera San Martín.
A l'orgina, quan Buenos Aires èra ua petita vila, lo lòc qu'èra estremat de la vila e los vicereis qui avèvan ua residencia on òm se podèva retirar de la ciutat (qui dè lo son nom au quartièr). Aqueth terrenh que ho crompat en 1713 per la South Sea Company anglesa entau comèrci d'esclaus atau com l'ac permetèva alavetz lo Tractat d'Utrech.
En 1801 uas arenas de corrida qu'i hon bastidas (non hon totun pas hèra utilizadas puish que l'Estat argentin qui vadore quauqes annadas après be vedore las corrudas de taurs, tradicions associadas dab lo país coloniau vençut).
Durant la invasions anglesas que hon un lòc de combat, çò qui'u valè lo nom de Campo de Gloria.
En 1812, durant la Guèrra d'Independéncia, lo generau José de San Martín qu'i installè e i preparè lo son Regiment de Granadèrs a Chivau e lo lòc que ho batejat Campo de Marte ("Camp de Març").
A la fin deu sègle XIX la plaça que ho batejada en aunor deu generau e un monument que'u ho vodat. La plaça que vadó jardin e qu'acesó durant quauques annadas lo Pabalhon Argentin de l'Exposicion Universau de París.
Lo monument aus sordats caduts durant la Guèrra de las Malvinas qu'i hon installat après lo conflicte.
Sus la carrèra Florida, l'Edifici Kavanagh (un deus mei emblematics e deus mei hauts de la vila) qu'ei virat de cap a la Plaça San Martín.
