Philippe Matheron
Philippe Matheron (18 d'octòbre de 1807, Marselha - 31 de decembre de 1899, Marselha) es un engenhaire, un paleontològ, un geològ e un cartograf provençau dau sègle XIX. Famós per sei descubèrtas sus lei dinosaures, es considerat coma lo fondator de la paleontologia provençala.
Fiu d'un geomètre, intrèt a l'Escòla dei Bèus Arts de Marselha e estudièt divèrsei disciplinas scientificas coma la fisica, la quimia, la geologia e la paleontologia. Puei, vengut engenhaire au sen deis administracions publicas cargadas de l'entretenença dei rotas e dei camins de fèrre, comencèt de recèrcas geologicas e paleontologicas en Provença.
Publiquèt plusors obratges sus leis estructuras geologicas provençalas. En particular, se destrièt amb d'observacions sus l'estratigrafia de la region. A partir de 1869, comencèt d'estudiar lei depaus de fossils situats a l'entorn dau Mont Venturi, especialament aquelei de Fuvèu. I descurbiguèt doas espècias novèlas de dinosaures (Hypselosaurus e Rhabdodon) e publiquèt la premiera descripcion d'uòus de dinosaures.
Sei descubèrtas li permetèron de venir sòci de l'Academia dei Sciéncias de Marselha en 1836 e, quatre ans pus tard, de la Societat Geologica de França. Recebèt tanben la Legion d'Onor en 1852.
Liames intèrnes[modificar | Modificar lo còdi]
- Hypselosaurus, espècia de dinosaure descubèrta per Philippe Matheron.
- Massaliasuchusespècia de crocodil descubèrta per Philippe Matheron.
- Rhabdodon, espècia de dinosaure descubèrta per Philippe Matheron.