Pheidole pallidula

Fotografia d'un recrutament en massa d'obrieras per decopar una gròssa presa, comportament caracteristic de l'espècia.

Pheidole pallidula es una espècia de formiga dei regions mediterranèas. De color jaune daurat, es una espècia de talha pichona amb un polimorfisme marcat (2 a 2,8 mm per leis obrieras menoras e 4 a 4,5 mm per leis obrieras majoras). Lo formiguier, monogin, es puslèu installat dins d'endrechs eissuchs e dubèrts dins de zònas codolosas, de seuvas claras ò de pargues urbans. L'intrada es generalament enviroutat per un montet de tèrra caracteristic. Pòu agantar una populacion de 200 000 individús. L'eissamatge a luòc au començament de l'estiu.

Lo regime alimentari de Pheidole pallidula es omnivòr. Un trach caracteristic d'aquela formiga es sa capacitat de recrutar rapidament una gròssa quantitat d'obrieras per recuperar una fònt de norridura importanta. Aquò li permet d'assegurar sa dominacion dins lo mitan situat a l'entorn de la colonia.

En Occitània, Pheidole pallidula se tròba dins totei lei regions franc dei zònas montanhosas.

Liames intèrnes

• Formiga.

Bibliografia

• (fr) Edouard Della Santa, Faune de Provence, Bulletin du C.E.E.P. (Conservatoire Etudes des Ecosystèmes de Provence/Alpes du Sud), Volume 16 (1995).