Pentaclorur d'antimòni
Lo pentaclorur d'antimòni es un compausat quimic de formula SbCl5. Dins lei condicions normalas de temperatura e de pression, es un liquid incolòr, sovent colorat de jaune per la preséncia d'impuretats, qu'emet una odor aspra. Es generalament preparat per accion dau diclòr gasós sus lo triclorur d'antimòni fondut. Lo pentaclorur d'antimòni es una substància fòrça oxidanta[1], corrosiva e toxica. La reaccion amb l'aiga es violenta. Lo pentaclorur d'antimòni es principalament utilizat dins l'industria quimica coma catalisaire de certanei reaccions de cloracion organicas.