Pedro Madruga
Pedro Álvarez de Soutomaior (vèrs 1430, Pontevedra - 1486, Alba de Tormes), còmte de Caminha, dich Pedro Madruga foguèt un noble galèc dau sègle XV.
En 1467, participèt a la Granda Revòuta Irmandina dins lo camp de l'aristocracia auta e ganhèt lo sostèm dei rèis de Portugal e de Castelha. Aquò li permetèt d'organizar una armada ben equipada e nombrosa que li permetèt d'esquichar l'insureccion en 1469. Aquò li donèt una posicion fòrça importanta en Galícia fins a la Guèrra de Succession de Castelha. D'efèct, chausiguèt de sostenir la causa portuguesa e, après la desfacha d'Anfós V, foguèt obligat de defendre sei possessions còntra lei partisans d'Isabèl de Castelha. En 1486, anèt a la Cort Reiala per demandar son perdon ai Rèis Catolics. Moriguèt dins lo corrent de l'annada siá en causa d'un assassinat organizat per seis adversaris siá en causa d'una malautiá.