Vejatz lo contengut

Paul Personne

Un article de Wikipèdia, l'enciclopèdia liura.
Paul Personne sus l'empont en 2008

Paul Personne, escais de René-Paul Roux, nascut lo 27 de decembre de 1949 a Argenteuil (Val d'Oise, França), es un cantaire francés de blues e de rock.

Biografia[modificar | Modificar lo còdi]

Mainatge en region parisenca, escota Édith Piaf e Charles Aznavour, e descobrís tanben lo rock en francés ambe Eddy Mitchell e Johnny Hallyday ; comença alavetz tre sos 17 ans per far de musica dins un grop que sona L'Origine, enregistra quitament un 45 torns en 1969 en çò de la maison de disques francesa Pathé-Marconi. Pauc de temps aprèp, intègra una còla de teatre e de musicians que viran dins las MJC. Mès aquò durèt pas : aprèp aver tanben enregistrat en 1973 un 45 torns aqueste còp en çò de Vamp Record en Anglatèrra, lo grop se dessepara.

Pauc de temps aprèp, se'n va de cap Tolosa ambe sa femna, e aquí, en 1975, fòrma un grop de blues-rock que se ditz Bracos Band. Lo grop vira un pauc en País mondin. Lo manca de resson fa que Bracos Band se dessepara, e de caps 1979, fòrma alavetz un grop novel, Backstage.

A la meteissa epòca, participa en 1977 a l'enregistrament de l'album Subrevida del cantaire occitan Eric Fraj en i jogant de batariá, e de guitarra sul tròç Montpelhièr[1]. Backstage enregistra dos albums en anglés en çò de la maison de disques francesa Vogue en 1979 e 1980, puèi lo grop se dessepara.

Au començament de las annadas 80, se lança alavetz en solitari jos l'escais de Paul Personne, e enregistra un album aqueste còp en çò de CBS. Mès lo disc marcha pas, e lo contrat ambe CBS es pas renovelat.

Enregistra alavetz en 1983 un dusen album solo, Exclusif, en çò de Philips. Gràcias enfin au succès onorable d'aqueste disc, Paul Personne se fa aital un nom dins lo mitan del blues francés.

En 1984 sortís son tresen disc, lo mini album Barjo-land, qu'obten un succès comparabla au precedent, çò que fa de Paul Personne d'ara enlà un artista reconegut, manca que's pòt pas pr'aquò qualificar de vertadièrament popular. A-n'aqueste periòda, quita lo País tolosan e se sarra de París.

Au començament de las annadas 90 jòga d'ara enlà sus emponts màgers de França, Fête de l'Huma, Lo Bataclan e lo quite Olympia, e en 1991, recep lo Bus d'Acier, lo Grand prèmi del rock francés.

Sortís en 1992 en çò de Polydor un disc titolat Comme à la maison : l'album es una capitada comerciala, coronat d'un disc d'aur, en partida benlèu gràcias au succès de la cançon Le Bourdon que passa fòrça a la ràdio. Aital, en 1993, torna sus l'empont de l'Olympia, participa a l'enregistrament de l'album Rio Grande d'Eddy Mitchell, monta sus l'empont de las Francofolies de la Rochelle e jòga quitament au concèrt del Parc des Princes dels cinquanta ans de Johnny Hallyday (suls tròcis Excuse-moi partenaire e Toute la musique que j'aime)[2].

En 2007, Paul Personne e Hubert-Félix Thiéfaine sont demandats per escriure l’album a venir de Johnny Hallyday, mès fin finala, lors cançons son pas retengudas ; decidan alavetz de'n far un album amassa : Amicalement Blues.

Discografia[modificar | Modificar lo còdi]

  • 1982: Faut qu'ça bouge
  • 1983: Exclusif
  • 1984: Barjo-Land (mini album)
  • 1985: 24/24
  • 1989: La chance
  • 1992: Comme à la maison
  • 1994: Rêve sidéral d'un naïf idéal
  • 1996: Instantanés
  • 2000: Patchwork électrique
  • 2003: Demain il f'ra beau - Vol. 01
  • 2003: Coup d'blues - Vol 02
  • 2007: Amicalement blues (ambe Hubert-Félix Thiéfaine)
  • 2011: Personne à l'Ouest, face A
  • 2011: Personne à l'Ouest, face B
  • 2014: Puzzle 14
  • 2016: Lost in Paris Blues Band
  • 2019: Funambule (ou Tentative de survie en milieu hostile)

Cançons mai conegudas[modificar | Modificar lo còdi]

  • Barjoland (1984)
  • Le bourdon (1992)
  • Nuits blanches étoilées (1992)
  • Quelqu'un appelle (1993)
  • Plus jamais m'laisser blueser (1994)
  • Loco loco (1994)
  • Toutes les nuits j'conte les jours (1995)
  • Miss Terre (1996)
  • Plus loin d'ici (1996)
  • Le vieux Bluesman et la bimbo (2007, en duo ambe Hubert-Félix Thiéfaine)

Referéncias[modificar | Modificar lo còdi]

  1. https://ericfraj.com/release/subrevida/
  2. http://www.paulpersonne.com/bio.php