Pèir Bertran de Montluc

Lo capitani Pèir Bertran de Montluc (fr Pierre Bertrand de Montluc), mai conegut coma capitani Peiròt (fr capitaine Peyrot) o Peiròt de Montluc (fr Perrot de Montluc) o Bertran de Montluc (fr Bertrand de Montluc), neishut en 1539 e mòrt a Funchal en agost de 1566, qu'ei un militar e corsari francés e occitan.

Biografia

Placa erigida a Funchal marcant lo lòc de desembarcament, en 1566, de Pèir Bertran de Montluc.

Qu'ei lo segon hilh deu manescau de França e memorialista gascon Blasi de Montluc e de sa primèra hemna Antonieta Isalguièr, hilha de Jascme Isalguièr, baron de Clarmont.

Pèir Bertran de Montluc èra gentilòmi dera cambra jos Carles IX. Coma son pair, èra Manescau de França.

Maridat a Margarida de Caupena (fr Marguerite de Caupène), Montluc qu'ei atestat coma "senhor de Caupena", donc probablament ven senhor per maridatge. Pèir Bertran e Margarida leishèt dus hilhs: Blasi (fr Blaise)―que ven senhor de Caupena―e Carles (fr Charles), que ven eiretèr de son grand-pair Blasi de Montluc.

Après aver heit sas prumèras armas en Itàlia, combatèt jos los òrdres de son pair au sètge de Thionville e pendent la prumèra guèrra civila, que lo carguèt subretot de massacrar los abitants de Terrauba en seteme de 1562. Après aver partit deu pòrt de Bordèu en agost de 1566, foguèt tuat dins lo corrent d'un expedicion sus l'isla de Madèira (sac de Funchal). S'agissiá d'establir una plaça de guèrra sus la còsta de Moçambic per servir de retirada aus francés que hasèn lo comèrci en Africa e a las Índias orientalas.

Nòtas e referéncias

Referéncias

• (pt) Aqueste article es parcialament o en totalitat eissit d’una traduccion de l’article de Wikipèdia en portugués intitolat « Pierre Bertrand de Montluc ».

• (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Blaise de Monluc#Famille ».