Oder

Un article de Wikipèdia, l'enciclopèdia liura.
Salta a la navegació Salta a la cerca
Oder
(Odra)
Oder a Wrocław
Oder a Wrocław
Caracteristicas
Longor 854 km
Bacin 119 000 km2
Debit mejan 529 m3⋅s-1
Riu
Font Fidlův kopec, dins Oderské vrchy, contrafórt oriental dels Sudets (massís de Hrubý Jeseník)
 · Altitud 627 m
Embocadura mar Baltica
 · Localizacion baia de Szczecin
Geografia
Païses traversats Bandièra: Republica ChècaRepublica Chèca,
Bandièra: PolonhaPolonha, Bandièra: AlemanhaAlemanha
Vilas principalas Ostrava, Wrocław, Lubusz, Szczecin
Bacin d'Oder.

Oder (Odra en polonés, chèc e sorab, Oder en alemand) es un flume d’Euròpa Centrala principalament situat sus lo territòri polonés d'una longor de 854 km e un debit final de 529 m3/3. Son afluent principal es Warta.

Dempuèi sa font situada en Republica Chèca, Oder remonta dins lo sud-oèst de Polonha, puèi es rejonh par la ribièra Neisse (en polonés: Nysa), e forma alara la frontièra naturala entre Alemanha e Polonha, entrò sa boca sus la laguna de Szczecin que dona sus la mar Baltica. Es lo segond pus long flume polonés après Vistula.

Geografia[modificar | modificar la font]

Oder a la font a 627 m d’altitud en Moràvia, a Fidlův kopec, dins l’Oderské vrchy, contrafòrt oriental dels Sudets près d’Olomouc (dins lo massís de Hrubý Jeseník), ont forma una part de la frontièra entre Silèsia e Moràvia. Après Ostrava, passa la frontièra entre Polonha e la Republica Chèca puèi traversa las regions (voivodats) polonesas de Silèsia, d’Opole, de Bassa Silèsia (e sa capitala, Wrocław), de Lubusz e enfin de Pomerània occidentala e sa capitala Szczecin.

Dempuèi son confluent amb Neisse a Ratzdorf (al nòrd de Guben, en Brandeborg), fins al nòrd de Schwedt, son mitan marca la Frontièra entre Alemanha e Polonha. Dessepara las vilas de Francfort d'Oder e Slubice.

Entre Schwedt/Oder et Gartz, Oder se parteja en dos braces : l’Oder occidental (en polonés:Odra Zachodnia) e l’Oder oriental (polonés: Odra Wschodnia). L’Oder occidental es una frontièra entrò Mescherin, abans de rajar coma l'Oder oriental unicament en territòri polonés. La penda dels trente darrièrs quilomètres abans Szczecin fa pas que qualques centimètres. A partir de Szczecin, lo flume es accessible a las naus de nauta mar.

L’Oder se trai dins la lagune de Szczecin que comunica amb la mar Baltica.Durant las 150 darrièras annadas, de trabalhs de correccion an redusit la longor d’Oder de 1 040 km a 854 km ara. En 1997 aguèt luòc lo darrièr grand aigat d’Oder, que desgalhèt grandament la vila de Wrocław.

Galariá[modificar | modificar la font]