Brandeborg

Brandeborg (en alemand: Brandenburg, en bas sorab Bramborska, en aut sorab Braniborska, en bas alemand Brannenborg), es un estat (Land) situat a l'èst d'Alemanha.

Lo gentilici es brandeborgés, -esa. Brandeborg cobrís una superfícia de 29478 km2 e ten una populacion de 2.5 milion d'abitants, que ne fa lo cinquen land alemand en superfícia e lo desen pus poblat. Potsdam es la capitala e la mai granda vila, las autras vilas màger essent: Brandenburg an der Havel, Cottbus, e Francfòrt d'Oder. Brandeborg enròda la capitala nacionala de Berlin, ambedoas forman la Region Metropolitana de Berlin-Brandeborg, qu'es la tresena aira metropolitana d'Alemanha. Brandeborg confronta los Länder de Meclemborg-Cispomerània, Bassa Saxònia, Saxònia-Anhalt, e Saxònia, e ten una frontièra internacionala amb Polonha.