Nòva Zembla
La Nòva Zembla (en rus: Но́вая Земля́, AFI: [ˈnovəjə zʲɪmˈlʲa], lit. "Nòva Tèrra"), es un archipèla rus de 90 650 km² situat entre la Mar de Barents e la Mar de Kara. Fòrça montanhós, es un prolongament dei Monts Oral qu'es compausat de doas illas principalas (Severny au nòrd e Iujny au sud) separadas per lo Destrech de Matochkin. Sa capitala es Belushya Guba.
Lo periòde de premier poblament deis illas es desconegut. Lei Rus semblan lei conoisser dempuei lo sègle XI mai l'endrech èra ja restat per de grops de Nenets. Pasmens, en causa de l'ostilitat dau clima locau, la populacion i demorèt totjorn febla. Avans leis ans 1950, èra estimada a 400 abitants installats dins 10 vilatges de caçaires e d'ostaus isolats. Amb la Guèrra Freja, l'Union Sovietica i fondèt de basas militaras. I menèt tanben d'assais nuclears e i abandonèt de quantitats importantas de curum nuclear. Explorèt tanben la region e i descurbiguèt de ressorsas naturalas importantas (coire, plomb, zinc). La populacion agantèt quauquei miliers de personas, principalament installats dins la capitala. En 2012, èra estimada a 2 716 abitants, compres un centenau de Nenets.