Tayasal
(Redirigit dempuèi Nojpetén)
Tayasal ò Nojpetén èra una ciutat-estat maia situada sus l'illa dau lac Petén Itzá en Guatemala. Tre sa fondacion vèrs 1221, venguèt la capitala dau pòble itzá. Lo conquistador espanhòu Hernán Cortés i venguèt en 1525 e i establiguèt de relacions bònas ambé leis autoritats de la vila. Pasmens, après aqueu passatge, Tayasal foguèt negligida per leis Espanhòus fins au sègle XVII. Isolada dins la seuva tropicala e ben protegida per sa posicion insulara, la ciutat opausèt alora una resisténcia importanta ais atacas espanhòlas (au mens sièis expedicions foguèron rebutadas entre 1622 e 1695) fins a sa conquista e sa destruccion en 1697. Ambé la vila vesina de Zacpeten, es considerada coma lo darrier estat maia independent.