Nâdiya
Nadiya Zighem, o mai simplament Nâdiya, es una esportiva e cantaira francesa de soca cabila nascuda lo 19 de junh de 1973 en Torena, a Tors (França). Coma cantaira, a avut un pic de popularitat entre 2004 e 2008.
Biografia[modificar | Modificar lo còdi]
Originària d'una familha cabila qu'a quitat Argeria e es arribada en França en 1962, Nâdiya es la mai jove dels 6 mainatges. Es dotada per l'atletisme a l'escòla : alavetz, Nâdiya s'orienta cap a una seccion espòrt-estudis, e en 1990, es 3na del 800 m (en 2 min 19 s 16) als Campionats de França FFA, empòrta tanben lo títol de Campiona de France Junior FFA indoor del 800 mètres a Bordèu (tostemps en 1990), e a Liévin en 1991 (en 2 min 15 s 08). A lo recòrd departamental del 400 mètres cabdèta d'Endre e Léger (37) (en 58 s 66).
A 20 ans, se vòl lançar dins la musica e va a París. Participa alavetz en 1996 a l'emission de television Graines de Star sus la cadena francesa M6, que ganha tres còps.
En 2001, Nâdiya publica un primièr single J'ai confiance en toi, qu'a un polit resson (se classa 38en). Son segond single Chaque fois sortís en agost de 2001 e coneis el tanben una capitada comparabla (classat 27en). Aquesta debuta de popularitat fa que son primièr album (Changer les choses) ambe aqueles dos títols es nommat a las Victòrias de la musica en França en 2002.
En febrièr de 2004, Nâdiya sortís la cançon Parle-moi. Aqueste còp, es una capitada enòrma : lo single se classa n°2 en França e es l'un dels gròsses tubes de l'annada 2004. Lo single d'après, Et c'est parti (en duò amb lo rapaire Smartzee), el tanben coneis una plan gròssa capitada pendent l'estiu 2004 (classat 5en). Cap a la fin de l'annada 2004, Si loin de vous, lo tresen single tirat del segond album 16/9, es un còp de mai un tube.
A la debuta de 2006, Nâdiya publica un novèl single (un còp de mai ambe lo rapaire Smartzee), Tous ces mots : la cançon se classa 2da. Son tresen album sortís lo 5 de junh de 2006 e ven son primièr album n°1 en França. Un segond single pareis, Roc, qu'el tanben se classa a la 2da plaça, seguit per un tresen single tirat d'aqueste tresen album, Amies-Ennemies (classat 4en).
Enfin, en 2008, Nâdiya obten sa mai gròssa capitada gràcias a son duò ambe Enrique Iglesias: lor cançon Tired of being sorry (Laisse le destin l'emporter) es n°1 en França e en Belgica, e es quitament la melhora venda de singles en França de l'annada de 2008.
Cançons mai conegudas[modificar | Modificar lo còdi]
- J'ai confiance en toi (2001)
- Chaque fois (2001)
- Parle-moi (2004)[1]
- Et c'est parti... (2004, ambe Smartzee)
- Si loin de vous (hey oh...par la radio) (2004)
- Tous ces mots (2006, ambe Smartzee)[2]
- Roc (2006)[3]
- Amies-ennemies (2006)
- Vivre ou survivre (2007)
- Tired of being sorry (Laisse le destin l'emporter) (2008, ambe Enrique Iglesias)[4]