Moscòu
|
Moscòu
| |||||
|---|---|---|---|---|---|
 | |||||
| De naut en bas, d'esquèrra a dreita: la catedrala del Crist-Salvador, l'Universitat d'Estat de Moscòu, la torre de Spasskaïa del Kremlin, lo centre d'afars internacional de Moscòu, lo teatre del Bolchoi, la plaça Roja . | |||||
| |||||
| |||||
| Geografia fisica | |||||
| Superfícia | 1 081 km² | ||||
| Altituds · Mejana |
130 - 253 m m | ||||
| Geografia politica | |||||
 | |||||
| País |  Russia | ||||
| Districte federal | Districte Federal Central | ||||
| Geografia umana | |||||
| Populacion (2016) |
12 330 126 ab. | ||||
| Autras informacions | |||||
| mos.ru | |||||
Moscòu (en rus: Москва, Moskva) es la capitala de Russia e la vila pus granda d'Euròpa. Moscòu se situa al ras del riu Moskova. La vila se situa dins la part europèa de Russia e administrativament dins lo districte federal central. Moscòu ten l'estatut de vila d'importància federala. La vila es enclavada dins l'óblast de Moscòu, mas n'es administrativament independenta.
Moscòu es a l'encòp la vila pus poblada d'Euròpa, amb mai de dotze milions d'abitants intra muros, segon lo recensament oficial de 2014 e près de quinze milions d'abitants dins l'aira urbana, e la pus estenduda (mai de 1 000 km2). Es tanben la vila europèa del budgèt pus enauçat comparat a lo de las autras capitalas europèas (52 miliards de dollars en 2012). Es lo sèti economic, politic e universitari de Russia, amassant 8,9 % de la populacion del país. Sos abitants son los moscovitas. Foguèt la capitala de l'Union Sovietica entre 1918 e 1991.
Moscòu joguèt un grand ròtle dins l'istòria de Russia. D'en primièr vila modesta del nòrd de la Rus' de Kyiv, prenguèt puèi la seguida de Kyiv, après la descomposicion politica de la Rus' puèi las invasions mongolas del sègle XII. Foguèt la capitala del Grand ducat de Moscòu abans que Pèire lo Grand transferisca la capitala a Sant Petersborg, que demòra capitala de l'Empèri rus entrò la Revolucion d'Octobre, après que Moscòu venguèt capitala de la jova Republica socialista federativa sovietica de Russia puèi en 1922, de l'Union de las Republicas Socialistas Sovieticas. Moscou es tanben coneguda per son patrimòni arquitectural : lo Kremlin amb sos palais e sas glèisas, coma la Catedrala de Sant Basili lo Benurós sus la plaça Roja, la Catedrala del Crist Salvador e las sèt Sòrres estalinianas. Lo monastèri Danilòv de Moscòu es tanben lo sèti del patriarca de la Glèisa ortodòxa russa.
