Elbroz
|
Elbroz | ||
|---|---|---|
 | ||
| Geografia | ||
| Altitud | 5 642 m | |
| Massís | Grand Caucàs | |
| Coordenadas geo. | 43° 21′ 10″ N, 42° 26′ 16″ E | |
| ||
| Administracion | ||
| País |  Russia
| |
| Republicas | Cabardobalcaria Qarachai-Cherquessia | |
| Raions | Elbroz, Zol Karachaievsk | |
| Ascension | ||
| Primièra ascension | ||
| Via pus aisida | ||
| Geologia | ||
| Edat | 10 milions d'ans | |
| Ròcas | riolita, riodacita, tuf, ignimbrita, dacita, andasita, andesita basaltica, traquita, traquiandesita | |
| Tipe | Volcan de subduccion | |
| Activitat | Endormit | |
| Darrièra erupcion | aper. 50 aprC | |
| Còde [1] | 214010 | |
| Observatòri volcanologic | cap | |
Elbroz o lo Mont Elbroz (5 642 m) es una montanha de Caucàs situada en Russia dins lo nòrd d'aqueu massís montanhós. Es la cima pus auta dau continent europèu. Es un volcan d'aspècte simetric qu'es constituit de dos brecs. La cima occidentala es la pus auta e la cima orientala, qu'assosta un cratèr de 300 a 400 mètres de diamètre, arriba a una altitud de 5 621 mètres. Sa formacion comencèt fa 10 milions d'ans e son activitat actuala es relativament limitada amb una darriera erupcion datada entre lei sègles III e I abC. L'ensemble de la montanha es cubèrta per de glaciers importants e es lo centre d'un pargue nacionau creat en 1986.
Au nivèu culturau, la cima dau Mont Elbroz foguèt lo luòc dau castig prononciat per Zèus còntra Prometèu. Lo Titan foguèt estacat entre lei doas cimas de la montanha e una aigla foguèt cargada de li manjar lo fetge cada jorn. La primiera ascension aguèt luòc en 1829 e la guida Killar Khachirov foguèt lo premier alpinista qu'arribèt a la cima. Aquela ascension es considerada coma tecnicament simpla mai es sovent complicada per lei condicions meteorologicas.