Cabardobalcaria

Un article de Wikipèdia, l'enciclopèdia liura.
Anar a : navigacion, Recercar
Republica de Cabardobalcaria
Къэбэрдей-Балъкъэр Республикэ
Къабарты-Малкъар Республика
Кабардино-Балкарская Республика
Flag of Kabardino-Balkaria.svg
Coat of Arms of Kabardino-Balkaria.svg
País Bandièra : RussiaRussia
Districte federal Caucàs del Nòrd
Capitala Nalchic
Superfícia 12 500 km²
Lengas oficialas balcar, cabarde, rus
Populacion 859 939 (2009)
Latitud 43° 35′ N
Longitud 43° 24′ È
Localizacion de l'estat dins lo Nòrd de Caucàs
Còde ISO 3166-2 RU-KB
Còde de subjècte 07
Còde OKATO 83
Fus orari MSK (UTC+4)
Creacion 16 de genièr de 1922
President Ioriï Qoqov
Sit oficial kbr.ru

Cabardobalcaria es un agropament, al Nòrd de Caucàs, de doas etnias desparièras, los cabardes o adigués o circassians orientals, e los balcars o malcars, de turcs nogais, creat a l'epòca sovietica e contunhat a l'epòca contemporanèa coma "subjècte" de la federacion de Russia, jol nom de Republica de Carbardobalcaria.

La capitala n’es Nalchic.

Geografia[modificar | modificar la font]

Al Nòrd de Caucàs, Cabardobalcaria compta amb las cimas mai nautas d'aquelas montanhas: Elbroz e Dykh Tau. Lo clima es freg, levat dins la plana.

Dykh Tau

Divisions administrativas[modificar | modificar la font]

Cabardobalcaria es divisada en 3 vilas e 8 districtes.


Carta de Cabardobalcaria

Istòria[modificar | modificar la font]

Los taulos (montanhòls) o alanla, mai coneguts coma balcars, son un pòble turc (de la branca quipchaca) que s'es installat dins de valadas al Nòrd de Caucàs.

Los adigues de Cabardia, o cabardai, o cabards, son una branca de l’etnia adiguèa o circassiana que patiguèt un genocidi e un exilh massiu cap a l’empèri otoman après l’invasion russa (acabada en 1864) e qu’es escampilhada al Nòrd-Oèst de Caucàs entre tres republicas "subjèctas" de la Federacion de Russia, que dins doas son volontàriament abarrejats amb un pòble turc per evitar una tròp granda omogeneïtat. Es lo cas en Cabardobalcaria dempuèi 1922.

D'efièch, lo 15 de genièr de 1922 se creèt, dins la Republica socialista federativa sovietica de Russia (RSFSR), lo districte autonòme de Cabardobalcaria a partir del districte autonòme Cabard e del districte Balcar de la Republica socialista sovietica autonòma montanhòla.

Lo 16 d’octobre de 1924 es restacat a la region del Caucàs del Nòrd.

Lo 5 de decembre de 1936 ne sortís per venir la Republica socialista sovietica autonòma (RSSA) de Cabardobalcaria.

Lo 8 d’abril de 1944 en seguida de la deportacion dels balcars en Asia centrala, ven la RSSA de Cabardia.

Lo 9 de genièr de 1957, en seguida de la reabilitacion dels balcars, torna prene lo nom de RSSA de Cabardobalcaria.

Lo 31 de genièr de 1991 lo conselh suprèm de la RSSA de Cabardobalcaria proclama la Republica socialista sovietica de Cabardobalcaria, mas aquela decision es pas reconeguda pel conselh suprèm de la RSFSR.

Lo 10 de març de 1992 ven, dins l'encastre de la Federacion de Russia, la Republica de Cabardobalcaria.