Mongkut

Un article de Wikipèdia, l'enciclopèdia liura.
Salta a la navegació Salta a la cerca
Fotografia de Mongkut vèrs 1865-1866.

Mongkut ò Rama IV (18 d'octòbre de 1804, Bangkòk - 1èr de novembre de 1868, Bangkòk) foguèt rèi de Siam[1] dau 2 d'abriu de 1851 au 1èr de novembre de 1868. Succediguèt a Nangklao (1824-1851) e foguèt remplaçat per Chukalongkorn (1868-1910).

Durant son rèine, deguèt faciar leis ambicions colonialas francesas e britanicas. Per aquò, acceptèt de cedir Cambòtja ai Francés e assaièt d'aprofichar lei rivalitats entre París e Londres per mantenir son independéncia. Ansin, signèt de tractats comerciaus amb lei poissanças principalas dau periòde. Donant d'avantatges importants ais Europèus, permetèron pasmens au reiaume de defugir una intervencion armada occidentala per o dubrir per fòrça au comèrci internacionau. En parallèl, encoratjèt l'intrada de la cultura e de la tecnologia dins lo país.

Perseguida per son successor, aquela politica permetèt a Siam de gardar son independéncia e de modernizar pauc a pauc lo país.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]

  1. Siam venguèt Tailàndia en 1939.