Modèl:Portau de Gasconha/Lutz sus...
Pèir de Garròs (Leitora, enter 1525 e 1530 - Pau, 1581) qu'ei un escrivan gascon.
Que vadó en çò d'ua familha leitoresa de petita noblessa de Rauba. Que comencè los sons estudis dens lo collègi de la soa vila nadau abans de seguir ua carrièra de teologia (en bèth estudiar l'ebrèu),e de dret a Tolosa on obtiengó los grads de licenciat puish de doctor. Humanista, que's he protestant e que's liguè dab lo clan paulin de Joana de Labrit,Regina de Navarra. Qu'arrevirè los Psaumes de David en vers occitans de Gasconha(Arnaut de Saleta que'us arrevirè un pauc mei tard en bearnés e dens un estile diferent) e que compausè poesias gasconas on s'exprimiva en favor deu restabliment d'un estatut d'egalitat enter lo gascon e lo francés "Per l'onor deu país sosténguer, e per sa dignitat manténguer." Après l'ocupacion de Leitora per las òsts de Blasi de Monluc, Garròs que s'establí a Pau, auprès de la cort protestanta, on e's morí.