Marylise Lebranchu
Marylise Lebranchu, nascuda Perrault[1],[2] lo 25 d'abril de 1947 a Loudéac (Còstas d'Arvòr), es una femna politica francesa, anciana ministra de la Justícia del govèrn de Lionel Jospin. Foguèt nomenada lo 16 de mai de 2012 ministre de la Reforma de l'Estat, de la Decentralizacion e de la Foncion Publica del govèrn de Jean-Marc Ayrault.
Biografia
[modificar | Modificar lo còdi]Es maridada e maire de tres enfants.
Titulara d'une mestresa d'amenatjament del territòri a l'universitat de Rènnas[3], comencèt sa carrièra professionala coma encargada d'estudi a la Societat d'economia mixta del Nòrd-Finistèrra de 1973 a 1978, puèi coma assistenta parlementària del deputat PS Marie Jacq de 1978 a 1993.
Aderiguèt al PSU en 1972, puèi al PS en 1977. En 1993, participèt amb Martine Aubry a la Fondacion Agir contra l'exclusion (Face).
Elegida consola de Morlaix en 1995, jonguèt lo nòu govèrn de Lionel Jospin en 1997. En primièr coma secretària d'Estat a las PME, al comèrci, a l'artisanat e a la consomacion de 1997 a 2000, venguèt apuèi, ministra de la Justícia de 2000 a 2002.
S'illustrèt dins l'afar dels desapareguts d'Yonne, qu'aviá reconegut, puèi denonciat las dècas de l'institucion judiciària, anant fins a sancionar quatre magistrats, (anulats pel Conselh d'Estat per tres d'aqueles).
Deputada dins la circonscripcion de Finistèrra dempuèi 1997, foguèt reelegida lo 17 de junh de 2007 per son tresen mandat.
Participa dempuèi 2000 al trabalhs del club Réformer, grop de réflexion politica amb Martine Aubry, Jean Le Garrec, François Lamy, Adeline Hazan.
Foguèt tanben primièra vicepresidenta du Conselh regional de Bretanha, encargada de la politica territoriala e de desvolopament de la democracia regionala (2004).
En novembre 2006, sostenguèt la candidature de Dominique Strauss-Kahn a l'investitura socialista per la presidenciala de 2007, aprèp aver regretat lo retrach de Lionel Jospin.
Candidata del grop socialista per la presidéncia de l'Assemblada nacionala (Batuda per Bernard Accoyer par 314 vòtes contre 216), venguèt, lo 27 de junh de 2007 questaira.
Es membre del comitat d’onor de l'Associacion pel drech de morir dins la dignitat (ADMD).
Foguèt nomenada lo 16 de mai de 2012 coma ministre de la Reforma de l'Estat, de la Decentralizacion e de la Foncion publica dins lo Govèrn de Jean-Marc Ayrault
Mandats e foncions politicas
[modificar | Modificar lo còdi]- Membre del govèrn
- 1997 - 2000 : secretària d'Estat prèp del ministre de l'Economia, de las Finanças e de l'Industria, a las pichonas e mejanas entrepresas, al comèrci, a l'artisanat e a la consomacion del govèrn de Lionel Jospin
- 2000 - 2002 : garda dels Sagèls, ministre de la Justícia del govèrn de Lionel Jospin
- 2012 - Ministra de la Reforma de l'Estat, de la Descentralizacion e de la Foncion publica del govèrn de Jean-Marc Ayrault.
- Deputada
- 1997 : deputada de la 4a circonscripcion de Finistèrra
- 2002 : deputada de la 4a circonscripcion de Finistèrra
- 2007 : questaira de l'Assemblada Nacionala
- Conselhièra regionala
- 1986 : membre del Conselh Regional de Bretanha
- 2004 - 2010 : primièra vicepresidenta del Conselh Regional de Bretanha
- Consola / Màger
- 1983 - 1995 : consola de Morlaix (Finistèrra)
- 1995 - 1997 : consola màger de Morlaix
- 1997 - 2004 : consola de Morlaix,
- 1995-2003 : presidenta de Morlaix Communauté
Bibliografia
[modificar | Modificar lo còdi]- Èsser justa, justament, amb Jean Guisnel, Albin Michel, 2001
- Pontaniou los barrèls, Ed. La Part Commune, 2002
- Brèvas de campanha, vòstre avenir val melhor que nòstras querèlas, Ed. Descartes, 2008
Nòtas e referéncias
[modificar | Modificar lo còdi]- ↑ Sa fiche sur dirigeant.societe.com
- ↑ (fr)« Entrevista France 3 del 22.10.2011», 3'57"
- ↑ (fr)« Une ministre en col Mao », Le Point, publicat sul www.lepoint.fr le 20 de genièr de 2007