Marina Kaye (pop anglesa)

Marina Kaye, escais de Marina Marie Madeleine Dalmas (Marselha, 9 de febrièr 1998), es una cantautritz e compositritz francesa. De soca occitana per son paire (Dalmas) mès francofòna de lenga mairala, canta pr'aquò mai que mai en anglés.

Biografia[modificar | Modificar lo còdi]

A 13 ans solament, gràcias a sa votz espantanta, te ganha la cinquena sason de l'emission La France a un incroyable talent^[1] en decembre de 2011.

En 2015 sortiguèt son primier album Fearless^[2], enregistrat a Londres e Nòva York. Sus aqueste album te figura la cançon Homeless qui, quitament cantada en anglés, serà una sansònha de las bèlas en França. En seguida, las cançons Dancing With The Devil e Freeze You Out (escriuta per Sia) van aver una pichona capitada tanben capvath França tota.

Le 1er de decembre de 2015, obteng lo prètz RTL del milhor album de l’annada en França.

Te participa a l'album Balavoine(s) sortit en genièr de 2016 pels trente ans de la mòrt del praube Daniel Balavoine, en i cantant Only the Very Best, la version anglesa de la sua cançon SOS d'un terrien en détresse. Tostemps en 2016, te canta Mon Everest en duò ambe un autre Marselhés plan conegut, lo rapaire de soca comoriana Soprano.

Au mes d'octobre de 2017, sortiguèt son segond album, Explicit, e en decembre de 2020, son tresen, Twisted.

Discografia[modificar | Modificar lo còdi]

2015: Fearless
2017: Explicit
2020: Twisted

Referéncias[modificar | Modificar lo còdi]

[1] ttps://www.gala.fr/stars_et_gotha/marina_kaye

[2] ttps://www.virginradio.fr/musique/marina-kaye-son-premier-album-fearless-sort-aujourdhui-46082.html

[1]

[2]