Maire Terèsa de Calcuta
| Maire Terèsa de Calcuta | |
 | |
| Naissença | 26 d'agost de 1910 Skopje Macedònia |
|---|---|
| Mòrt | 5 de setembre de 1997 Calcuta, Índia |
| País d'origina |  Albania Índia |
| Distincions |  Prèmi Nobel |
| Signatura |  |
modificar  |
|
Anjezë (Agnés) Gonxha Bojaxhiu (pron.:[aɲɛzə gonˈʤe bɔˈjaʤi:u][aɲɛzə gonˈʤe bɔˈjaʤi:u]; Üsküb, Empèri otoman (ara Skopje, Macedònia), 26 d'agost de 1910 - Calcuta, Índia, 5 de setembre de 1997), mai coneguda jos son nom de monja Maire Terèsa, foguèt una religiosa catolica albanesa, de nationalitat indiana. Missionària en Índia e prèmi Nobèl de la patz en 1979, es subretot coneguda per son accion personala caritativa e la fondacion d'una congregacion religiosa, las Missionàrias de la Caritat que l'acompanhan e seguisson son exemple.
D'en primièr de l'òrdre missionari de las monjas de Nòstra Dama de Loreta (a partie de 1929), daissa aqulea comunautat en 1949 per " seguir son apèl " la sieuna congregacion en 1950. Son òbra près des mai paures comença per l'educacion dels enfants de las carrièras e l'obertura del moridor de Kalighat (Nirmal Hriday) a Calcuta. Pendent mai de 40 ans, consacra sa vida als paures, malauts, abandonats e morents, d'en primièr en Índia puèi dins d'autres païses, e guida lo desvelopament de las Missionàrias de la Caritat. Al moment de morir, s'ocupava de 610 missions, dins 123 païses, inclusissent de sopas popularas, de centres d'ajuda familhala, de'orfelinats, d'escolas, d'espitals e d'ostas d'acuèlh per las personas tocadas de malautiás coma la lèpra, sida o tuberculosi.
Percebuda coma un modèl de bontat e d'altruïsme, es sovent evocada dins la premsa indiana e occidentala pendent la segonda mitat del sègle XX.
Maire Teresa foguèt beatificada lo 19 d'octobre de 2003, a Roma, pel papa Joan Pau II. Lo 17 de decembre de 2015, lo papa Francés promulga un decret de la congregacion per las causas dels sants reconeissent un miracle per son intercession. Signa lo 15 de maç de 2016 lo décret de canonizacion de Maire Teresa, que serà declarada santa lo 4 de stembre de 2016 pendent una ceremonia se debanant Plaça de Sant Pèire al Vatican.