Vejatz lo contengut

Mètro de Los Angeles

Un article de Wikipèdia, l'enciclopèdia liura.

Mètro de Los Angeles
(en) Los Angeles County Metro Rail
Imatge illustratiu de l'article Mètro de Los Angeles
Logo de la LACMTA.

Imatge illustratiu de l'article Mètro de Los Angeles
Linha Expo a l'estacion La Cienega/Jefferson.

Situacion Bandièra dels Estats Units Los Angeles e son comtat (Califòrnia)
Tipe Mètro
Intrada en servici 1990 (mètro leugièr)
1993 (mètro)
Longor del malhum 170,1 km
142,1 km (mètro leugièr)
28 km (mètro)
Linhas 6
4 (mètro leugièr)
2 (mètro)
Estacions 93
Frequentacion 332 836 viatjaires per jorn (decembre de 2015)[1],[N 1]
Escartament dels ralhs 1 435 mm
Espleitador LACMTA
Linhas del malhum En servici :

En projècte :

Imatge illustratiu de l'article Mètro de Los Angeles
Lo malhum metropolitan de Los Angeles.

Lo mètro de Los Angeles (oficialament en anglés : Los Angeles County Metro Rail, en occitan : camin de fèrre metropolitan del comtat de Los Angeles) es lo principal sistèma de transpòrt en comun servissent Los Angeles e son aglomeracion. Espleitat per la Los Angeles County Metropolitan Transportation Authority (LACMTA), dispausa de 93 estacions despartidas sus sièis linhas, totalisant 170,1 quilomètres de vias e près de 340 000 passatgièrs per jorn.

La primièra linha del mètro de Los Angeles foguèt inaugurada en 1990. Al cors de las annadas lo malhum s'es fòrça estendut, e mai se la dessèrta rèsta encara pro febla comparada a aquela d'autres mètros del mond, tot coma la frequentacion del malhum metropolitan que demòra largament en deçà d'aquela dels mètros d'autras grandas metropòlis talas que Nòva York o París. A la manièra de son omològ nòvayorkés, de nombrós ponches d'arrèsts del mètro de Los Angeles son pas sosterranhs. En efièch, una granda partida de las estacions es situada en susfàcia, e d'unas pòdon tanben seguir un traçat aerian.

Lo trafic es generalament assegurat de 5 òras del matin a mièjanuèch, mas los oraris pòdon variar segon la linha utilizada e lo jorn de la setmana. En dimenjada los trens pòdon efectivament foncionar fins a doas òras del matin. E puèi, la dessèrta del comtat de Los Angeles es tanben assegurada per d'autres mejans de transpòrt en comun : de nombrosas linhas d'autobús completan atal lo mètro de Los Angeles. Lo malhum d'autobús rapides del comtat permet tanben de melhorar la qualitat de sa dessèrta, e los malhums ferroviaris Amtrak e Metrolink i son tanben ligats.

Nòtas e referéncias[modificar | Modificar lo còdi]

  • (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Métro de Los Angeles ».

Nòtas[modificar | Modificar lo còdi]

  1. Aquesta chifra correspond a la frequentacion observada al moment d'un dia obrant ; la dimenjada, l'afluéncia es mens importanta.

Referéncias[modificar | Modificar lo còdi]

  1. (en) Ridership Statistics, Los Angeles County Metropolitan Transportation Authority.

Vejatz tanben[modificar | Modificar lo còdi]

Sus d'autres projècte de Wikimedia:
Commons
Commons
Commons (Galariá)
Commons
Commons
Commons (Categoria) Modifica el valor a WikidataModèl:Commonscat/categories

Articles ligats[modificar | Modificar lo còdi]

Ligams extèrnes[modificar | Modificar lo còdi]